ପ୍ୟାରିସ, ୨୪/୧୨: ପ୍ୟାରିସର ଆଇକନିକ ଆଇଫିଲ୍ ଟାଓ୍ବାରର ଏକ ଲିଫ୍ଟରେ ଆଜି ଲାଗିଥିବା ନିଆଁ ଯୋଗୁ ସମସ୍ତ ଟାଓ୍ବାରକୁ ଖାଲି କରାଯାଇଛି। ଏହାରୁ ପ୍ରାୟ ୧୨୦୦ ପର୍ଯ୍ୟଟକଙ୍କୁ ସୁରକ୍ଷା ଭାବରେ ବାହାର କରାଯାଇଛି। କ୍ରିସମାସ ପୂର୍ବରାତ୍ରିରେ ଆଇଫିଲ୍ ଟାଓ୍ବାରରେ ଏହି ଘଟଣା ଘଟିବାରୁ ଭୟର ପରିପ୍ରେକ୍ଷୀରେ ଏକ ତ୍ୱରିତ ସୁରକ୍ଷା ପ୍ରକ୍ରିୟା ଜାରି କରାଯାଇଥିଲା।
ମିରର୍ ୟୁକେର ରିପୋର୍ଟ ଅନୁଯାୟୀ, ଆଇଫିଲ୍ ଟାଓ୍ବାରର ରକ୍ଷଣାବେକ୍ଷଣ କମ୍ପାନୀ ଏସ୍ଇଟିଇର ମୁଖପାତ୍ର କହିଛନ୍ତି ଯେ ଲିଫ୍ଟରେ ସର୍ଟ ସର୍କିଟ ହୋଇ ନିଆଁ ଲାଗିଥିଲା। ଏହାରୁ ଆଲାର୍ମ ବାଜିଥିଲା ଓ ଟାଓ୍ବାରର ଦ୍ୱିତୀୟ ଏବଂ ଉପର ମହଲାରେ ସମାନ ଘଟଣା ଦେଖାଯାଇଥିଲା। ଏହା ପରେ ପ୍ରାୟ ୧୨୦୦ ଲୋକଙ୍କୁ ସୁରକ୍ଷିତ ଭାବରେ ଏହି ସ୍ଥାନରୁ ବାହାର କରାଯାଇଥିଲା। ଘଟଣାର ଅଧିକ ତଦନ୍ତ ଆରମ୍ଭ ହୋଇଛି।
କ୍ରିସମାସ ଅବସରରେ ଆଇଫିଲ୍ ଟାଓ୍ବାର ପରିଦର୍ଶନ ପାଇଁ ନାନା ଦେଶରୁ ପର୍ଯ୍ୟଟକମାନେ ଆସିଥିବାବେଳେ ଏହି ଘଟଣା ଘଟିବାରୁ ଭୟଭୀତ ହୋଇପାରିଥିଲେ। ଲିଫ୍ଟରୁ ଧୂଆଁ ବାହାରୁଥିବା ଦେଖି ଆଲାର୍ମ ବାଜିଥିଲା। ଏହା ପରେ ତ୍ୱରିତ ସୁରକ୍ଷା ପ୍ରକ୍ରିୟା ଚାଲିଥିଲା ଓ ସମସ୍ତଙ୍କୁ ଏହି ଐତିହାସିକ ସ୍ଥାନରୁ ଦୂରକୁ ନିଆଯାଇଥିଲା।
ଘଟଣାରେ କୌଣସି ଲୋକ ଆହତ ହୋଇନାହାଁତି ବୋଲି ପ୍ରାରମ୍ଭିକ ରିପୋର୍ଟରୁ ସୂଚନା ମିଳିଛି। ଅତି ଶୀଘ୍ର ଆଇଫିଲ୍ ଟାଓ୍ବାର ପୁନର୍ବାର ଖୋଲିବା ପାଇଁ ପ୍ରଶାସନ ସୁନିଶ୍ଚିତ କରିବାକୁ ଉଦ୍ୟମ କରୁଛି।
