କଟକ, ୨୪/୧୨: ସୋମବାର କଟକର ବେଲଭ୍ୟୁ ଛକରେ ସ୍ବର୍ଗତ ପୂର୍ବତନ ପ୍ରଧାନମନ୍ତ୍ରୀ ଅଟଳବିହାରୀ ବାଜପେୟୀଙ୍କ ଏକ ବ୍ରୋଞ୍ଜ ପ୍ରତିମୂର୍ତ୍ତି ସ୍ଥାପନ କରାଯାଇଛି। ଏହାର ଉନ୍ମୋଚନ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କରିଥିବାବେଳେ କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଅଟଳଜୀଙ୍କ ଶତବାର୍ଷିକୀ ଜନ୍ମ ଜୟନ୍ତୀ ପୂର୍ବରୁ ଏହି ପ୍ରତିମୂର୍ତ୍ତି ସ୍ଥାପନ କରାଯାଇଥିବା ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିବାର ପ୍ରତୀକ ଭାବରେ ବ୍ୟବହୃତ ହୋଇଛି। ଏହି ପ୍ରତିମୂର୍ତ୍ତି କଟକର ଶିଳ୍ପୀ ସଞ୍ଜୀବ ବିଶ୍ୱାଳଙ୍କ ନେତୃତ୍ୱରେ ୨୨ ଜଣ କାରିଗରଙ୍କ ଦ୍ୱାରା ପ୍ରସ୍ତୁତ କରାଯାଇଛି। ଏହାର ଉଚ୍ଚତା ୧୦ ଫୁଟ ୬ ଇଞ୍ଚ ହେଉଥିବା ସମୟରେ ମୂର୍ତ୍ତିର ଓଜନ ୯୦ କୁଇଣ୍ଟାଲ। ଏହା କାଠଗଡ଼ା ସାହିସ୍ଥିତ କାରଖାନାରେ ତିଆରି କରାଯାଇଛି।
ଉନ୍ମୋଚନ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ କହିଛନ୍ତି, "ଏହି ପ୍ରତିମୂର୍ତ୍ତି ସ୍ଵର୍ଗତ ଅଟଳଜୀଙ୍କ ଉଦାତ୍ତ ଜୀବନ ଓ ତାଙ୍କର ନେତୃତ୍ୱକୁ ସ୍ମରଣ କରାଇବା ସହିତ ତାଙ୍କ ପ୍ରତି ଆଗାମୀ ପିଢ଼ିଙ୍କ ଶ୍ରଦ୍ଧା ଓ ପ୍ରେରଣାର ଜନ୍ମ ଦେବ।"
କଟକରେ ପ୍ରଥମ ଥର ପାଇଁ ଅଟଳବିହାରୀ ବାଜପେୟୀଙ୍କ ପ୍ରତିମୂର୍ତ୍ତି ସ୍ଥାପନ ହେବାରେ ଶିଳ୍ପ ଓ ଇତିହାସ ପ୍ରେମୀମାନଙ୍କ ମଧ୍ୟରେ ଉତ୍ସାହ ଦେଖାଯାଇଛି।
