ହିଞ୍ଜିଳିକାଟୁ, ୪ ଡିସେମ୍ବର:- ଗଞ୍ଜାମ ଜିଲ୍ଲାର ହିଞ୍ଜିଳି ଥାନା ଆଡ଼ପଡ଼ା ଆଉଟ ପୋଷ୍ଟ ଅଧୀନ ଆଡ଼ପଡ଼ା ମେଡିକାଲରେ ଦୁଇ ଯୁବକଙ୍କ ଦ୍ୱାରା ଚିକିତ୍ସାକର୍ମୀ ଓ ସୁରକ୍ଷାକର୍ମୀଙ୍କୁ ମାଡ଼ ମାରିବା ଘଟଣା ନେଇ ପୁଲିସ ତଦନ୍ତ ଅବ୍ୟହତ ରହିଛି। ମଙ୍ଗଳବାର ଘଟିଥିବା ଏହି ଅସନ୍ତୋଷକାରୀ ଘଟଣାରେ ପୋଲିସ ଏକ ମାମଲା ରୁଜୁ କରି ବୁଧବାର ଜଣେ ଅଭିଯୁକ୍ତ ଶୁଭମ ନାୟକଙ୍କୁ ଗିରଫ କରିଛି। ତଥା ଅନ୍ୟ ଜଣ ଅଭିଯୁକ୍ତ ଏପର୍ଯ୍ୟନ୍ତ ଫେରାର ରହିଛନ୍ତି।
ମଙ୍ଗଳବାର ସକାଳେ ଏକ ସାଇକେଲ ଦୁର୍ଘଟଣାରେ ଆହତ ହୋଇଥିବା ଦୁଇ ଯୁବକ ଆଡ଼ପଡ଼ା ମେଡିକାଲକୁ ଚିକିତ୍ସା ପାଇଁ ଆସିଥିଲେ। ମେଡିକାଲରେ ଚିକିତ୍ସାରେ ବିଳମ୍ବ ଓ ଅବହେଳା ଜଣାପଡିବାକୁ ଦେଖି ସେମାନେ ପ୍ରଥମେ ଚିକିତ୍ସାକର୍ମୀଙ୍କ ସହ ଝଗଡା କରିଥିଲେ। ପରେ ରାଗିତା ହୋଇ ସେମାନେ ମେଡିକାଲ ଆଟେଣ୍ଡାଣ୍ଟ ସୁକାନ୍ତ କୁମାର ଆଚାରୀ ଏବଂ ସୁରକ୍ଷାକର୍ମୀ ନିରଞ୍ଜନ ସେଠୀଙ୍କୁ ମାଡ଼ ମାରି ଆକ୍ରମଣ କରିଥିଲେ।
ଘଟଣା ଉପରେ ଆଡ଼ପଡ଼ା ମେଡିକାଲର ଚିକିତ୍ସକ ଡାକ୍ତର ଶୁଭ୍ରାଂଶୁ ମୋହନ ସାହୁ ହିଞ୍ଜିଳି ଥାନାରେ ଅଭିଯୋଗ ଦାୟର କରିଥିଲେ। ଏଠାରୁ ଆଧାର କରି ହିଞ୍ଜିଳି ଥାନା ପୋଲିସ ମାମଲା ରୁଜୁ କରିବା ସହ ମୁଖ୍ୟ ଅଭିଯୁକ୍ତ ଶୁଭମ ନାୟକଙ୍କୁ ଗିରଫ କରିଛି। ଗିରଫ କରାଯାଇଥିବା ଅଭିଯୁକ୍ତଙ୍କୁ ବୁଧବାର କୋର୍ଟକୁ ଚାଲାଣ କରାଯାଇଛି। ଏବେ ମଧ୍ୟ ମଧ୍ୟରେ ଦ୍ୱିତୀୟ ଅଭିଯୁକ୍ତ ଅନ୍ଵେଷଣ ଚାଲିଛି।
