ମାଲକାନଗିରି, ୪ ଡିସେମ୍ବର:- ମାଲକାନଗିରି ଥାନା ଅନ୍ତର୍ଗତ ଗୌଡଗୁଡ଼ା ପଞ୍ଚାୟତର ଗୋରେଗୁଡା ଗ୍ରାମରେ ମଙ୍ଗଳା କାବାସୀ (୫୫)ଙ୍କ ହତ୍ୟା ଘଟଣାରେ ପୁଲିସ ତଦନ୍ତରେ ଗୁରୁତ୍ୱପୂର୍ଣ୍ଣ ସଫଳତା ମିଳିଛି। ଏହି ମାମଲାରେ ତିନିଜଣ ଅଭିଯୁକ୍ତଙ୍କୁ ଗିରଫ କରିବା ସହ କୋର୍ଟ ଚାଲାଣ କରାଯାଇଛି।
ମଙ୍ଗଳା କାବାସୀଙ୍କର ଦୁଇଟି ପୋଖରୀ ଏବଂ ଖଜୁରୀ ଗଛ ଥିଲା, ଯାହାର ତାଡ଼ି ଚୋରି ହେବାକୁ ନେଇ ସେ ପ୍ରତିଷ୍ଠା ରଖି ଜଗିବାରେ ଲାଗିଥିଲେ। ୧ ତାରିଖ ଦିନ ସେ ଜାଣିଥିଲେ ଯେ ଗଙ୍ଗା ସୋଡି ସହ ଦୁଇଜଣ ତାଙ୍କ ତାଡ଼ି ଚୋରି କରୁଛନ୍ତି। ତା’ ପରେ ସେ ରାତିରେ ଖଜୁରୀ ଗଛ ନିକଟରେ ଥାଇ ସେହି କାର୍ଯ୍ୟକୁ ରୋକିବାକୁ ଚେଷ୍ଟା କରିଥିଲେ
ରାତି ସାଢେ ୮ଟା ବେଳେ ଜିତେନ ପଡିଆମି ମଙ୍ଗଳାକୁ ଘାତକ ହମଲା କରିବା ପରେ, ଗଙ୍ଗା ସୋଡି ଏବଂ ଆଡମା ମାଡକାମୀଙ୍କ ସାହାଯ୍ୟରେ ମୃତଦେହକୁ ପୋଖରୀ ନିକଟରେ ଫିଙ୍ଗି ଦେଇ ଘଟଣାସ୍ଥଳରୁ ପଳାଇ ଯାଇଥିଲେ। ମଙ୍ଗଳାଙ୍କ ଭାଇ ମଙ୍ଗଡୁ କାବାସୀ ପକ୍ଷରୁ ଜଣା ସତର୍କ ଏତଲା ଦାୟର ହେବା ପରେ ପୁଲିସ ତଦନ୍ତ ଆରମ୍ଭ କରିଥିଲା।
ତଦନ୍ତ ପରେ ଗଙ୍ଗା ସୋଡି, ଜିତେନ ପଡିଆମି, ଏବଂ ଆଡମା ମାଡକାମୀଙ୍କୁ ଗିରଫ କରି କୋର୍ଟକୁ ଚାଲାଣ କରାଯାଇଛି। ଏ ଅବସରରେ ମାଲକାନଗିରି ଥାନା ଆଇଆଇସି ରିଗାନ କିଣ୍ଡୋ କହିଛନ୍ତି, ଏହି ହତ୍ୟାର ମୂଳକାରଣ ହେଉଛି ଚୋରି ଓ ପ୍ରତିଶୋଧ।
ମାଲକାନଗିରି news
