ଆଠଗଡ଼: ଡିସେମ୍ବର ୧୩ ତାରିଖରେ କଟକ ଜିଲ୍ଲାର ଆଠଗଡ଼ ଥାନା ଅନ୍ତର୍ଗତ ବଡ ଭୂଇଁ ପଞ୍ଚାୟତର ଜାଗିଆପଡା ଗ୍ରାମରେ ହୋଇଥିବା ବୋମାମାଡ ଘଟଣା ସମ୍ପର୍କରେ ପୋଲିସ ତଦନ୍ତ ତୀବ୍ରତା ନେଇ ମୁଖ୍ୟ ଅଭିଯୁକ୍ତ ବିଷ୍ଣୁ ଚରଣ ଖଟୁଆକୁ (୨୭) ଗିରଫ କରିଛି। ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବେଳେ ଅନ୍ୟ ଦୁଇ ଅଭିଯୁକ୍ତ ଫେରାର ରହିଛନ୍ତି। ପୋଲିସ ଖୁବ ଶୀଘ୍ର ତାଙ୍କୁ ମଧ୍ୟ ଗିରଫ କରିବାକୁ ବିଶ୍ୱାସ ଦେଇଛି।
ସୂଚନା ଅନୁଯାୟୀ, ଜାତିଆଣ ଆକ୍ଷେପ ମାମଲାରେ ଜାଗିଆପଡା ଗ୍ରାମର ପ୍ରଭାତ ରାଉତ ସାକ୍ଷୀ ପଡିଥିବାରୁ ତାଙ୍କୁ ଭୟଭୀତ କରିବା ପାଇଁ କେତେକ ଦୁର୍ବୃତ୍ତ ତାଙ୍କ ଘର ଉପରେ ବୋମାମାଡ କରିଥିଲେ। ଏହା ସମ୍ପର୍କରେ ପ୍ରଭାତ ରାଉତ ଆଠଗଡ଼ ଥାନାରେ ମାମଲା ରୁଜୁ କରିଥିଲେ। ପୋଲିସ ତଦନ୍ତ କରି ଘଟଣାର ମୁଖ୍ୟ ଅଭିଯୁକ୍ତଙ୍କୁ ଧରିବାରେ ସଫଳ ହୋଇଛି।
ଏହି ଘଟଣାରେ ଆଠଗଡ଼ ପୋଲିସ ଶେଷ ପର୍ଯ୍ୟନ୍ତ ଅଭିଯୁକ୍ତମାନଙ୍କୁ ଗିରଫ କରିବା ପାଇଁ ଚେଷ୍ଟା କରୁଛନ୍ତି। ଆଠଗଡ଼ ଥାନା ଅଧିକାରୀଙ୍କ କହିବା ଅନୁଯାୟୀ, ଅନ୍ୟ ଅଭିଯୁକ୍ତମାନେ ଖୁବ୍ ଶୀଘ୍ର ଆଇନର ଜାଳରେ ଆଣାଯିବେ।
