ଦିଗପହଣ୍ଡି, ୨୩/୧୨:- ଗଞ୍ଜାମ ଜିଲ୍ଲା ଦିଗପହଣ୍ଡି ବନାଞ୍ଚଳର ନୂଆପଡ଼ା ସେକ୍ସନ ଅନ୍ତର୍ଗତ ଯୋଗିଆପଲ୍ଲୀ ଗ୍ରାମର ନୀଳାମ୍ବର ମଳିକଙ୍କଠାରୁ ଲୋମଯୁକ୍ତ ପ୍ରାୟ ୨ କେଜି ବାର୍ହା ମାଂସକୁ ବନକର୍ମଚାରୀମାନେ ଜବତ କରିଛନ୍ତି। ନୂଆପଡ଼ା ବନପାଳ ଇ. ଗଣେଶ, ବନରକ୍ଷୀ ବିରଞ୍ଚି କୁମାର ବିଶି, ଏବଂ ପାରା ବନକର୍ମଚାରୀ କେ. ଜୟରାମ ସଦଳବଳ ରବିବାରରେ ପାଟ୍ରୋଲିଂ କରୁଥିବା ସମୟରେ ଏହି ଅଭିଯାନ ଚାଲାଇଥିଲେ।
ପାଟ୍ରୋଲିଂ କାଳୀନ ନୀଳାମ୍ବର ଏକ ଟିଭିଏସ୍ ମୋପେଡ଼ (ନଂ. ଓଡ଼ି ୩୨ – ଇ-୧୭୪୦) ଯୋଗେ ରାସ୍ତାରେ ଦ୍ରୁତଗତିରେ ଆସୁଥିବା ବେଳେ ତାଙ୍କୁ ଅଟକାଇ ତଲାସ କରାଯାଇଥିଲା। ଏକ ପଲିଥିନ୍ ବାଗରେ ବାର୍ହା ମାଂସ ମିଳିଥିଲା। ଅଭିଯୁକ୍ତ ପଚରାଉଚରା ସମୟରେ ଏହି ମାଂସ ବିକ୍ରି ପାଇଁ ନେଉଥିବା ଦାବି କରିଥିଲେ।
ପରବର୍ତ୍ତୀରେ ଅଭିଯୁକ୍ତଙ୍କୁ ବନକର୍ମଚାରୀମାନେ ଘଟଣାସ୍ଥଳରୁ ମୋପେଡ଼ ଓ ମାଂସ ସହିତ ଦିଗପହଣ୍ଡି ରେଞ୍ଜ କାର୍ଯ୍ୟାଳୟକୁ ନେଇଥିଲେ। ସନ୍ଧ୍ୟା ୮ଟାରେ ରେଞ୍ଜର ଘଟଣା ଖତିଆନ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଗଲା। ଜାମିନ ଆବେଦନ ନାମଞ୍ଜୁର ହେବା ପରେ, ମାମଲା ନଂ.୧୪୯/୨୪-୨୫ ଅନୁଯାୟୀ ତାଙ୍କୁ ଦିଗପହଣ୍ଡି ଜେଲ୍ ହାଜତକୁ ପଠାଇ ଦିଆଯାଇଛି।
