ରାଇରଙ୍ଗପୁର (ମୟୂରଭଞ୍ଜ):-ଗତ ରାତିରେ ମୟୂରଭଞ୍ଜ ଜିଲ୍ଲା ୪୯ ନଂ ଜାତୀୟ ରାଜପଥର ବିଶୋଇ ଥାନା ଅଧୀନ ଡୁମୁରୁଡ଼ିହା ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ଟ୍ରାକ୍ଟର, ଏକ ପିଆଜ ଭର୍ତ୍ତି ଟ୍ରକ୍, ଏବଂ ଗୋଟିଏ ବାଇକ୍ ମଧ୍ୟରେ ଘଟିଥିବା ଏହି ଭୟାବହ ଧକ୍କାରେ ଏକ ଟ୍ରକ୍ ଜଳିଯାଇଥିଲା।
ଏହି ଦୁର୍ଘଟଣାରେ ଟ୍ରାକ୍ଟରର ଜଣେ ଶ୍ରମିକ, ବିଶୋଇ ଥାନା ନୂଆଗାଁର ପପୁ ମହାନ୍ତ, ତଥ୍କ୍ଷଣାତ୍ ମୃତ୍ୟୁବରଣ କରିଛନ୍ତି। ଟ୍ରକ୍ ଡ୍ରାଇଭର ଏବଂ ହେଲପର ଗୁରୁତର ଆହତ ହୋଇ ରାଇରଙ୍ଗପୁର ମେଡିକାଲରେ ଭର୍ତ୍ତି ହୋଇଛନ୍ତି। ତାଙ୍କ ଚିକିତ୍ସା ଚାଲିଛି ଏବଂ ସେମାନଙ୍କର ସ୍ଥିତି ଗୁରୁତର।
ଦୁର୍ଘଟଣା ସ୍ଥଳରେ ବିଶୋଇ ପୁଲିସ ତୁରନ୍ତ ପହଞ୍ଚି ଅବଶିଷ୍ଟ ଟ୍ରକ୍ ଓ ବାଇକ୍ କୁ ଜବତ କରିଛି। ଘଟଣାର କାରଣ ଏବଂ ଟ୍ରକ୍ ଜଳିବାର ପଛର ଯଥାସମୟର ସୂଚନା ଆହରଣ ପାଇଁ ପୁଲିସ ତଦନ୍ତ ଜାରି ରଖିଛି।
