ଦାରିଙ୍ଗବାଡ଼ି, ୭ ଡିସେମ୍ବର:-କନ୍ଧମାଳ ଜିଲାର ଦାରିଙ୍ଗବାଡ଼ି ବ୍ଲକ ସିମନବାଡ଼ି ଉଚ୍ଚ ପ୍ରାଥମିକ ବିଦ୍ୟାଳୟରେ ଏକ ଗୁରୁତ୍ୱପୂର୍ଣ୍ଣ ଘଟଣା ଘଟିଛି, ଯାହା ଶିକ୍ଷାନୁଷ୍ଠାନର ସ୍ୱାସ୍ଥ୍ୟ ସୁରକ୍ଷା ବ୍ୟବସ୍ଥା ଉପରେ ଏକ ପ୍ରଶ୍ନ ଉଠାଇଛି। ଶନିବାର ମଧ୍ୟାହ୍ନ ଭୋଜନ ରେ ଭାତ, ଡାଲି ଓ ଅଣ୍ଡା ଖାଇବା ପରେ ପ୍ରଥମେ ୬ ଜଣ ଛାତ୍ରଛାତ୍ରୀ ଓ ପରେ ପ୍ରାୟ ୨୫ ଜଣ ଆକ୍ରାନ୍ତ ହୋଇ ପେଟ ଯନ୍ତ୍ରଣା ଓ ବାନ୍ତି ହେବାର ଅଭିଯୋଗ କରିଛନ୍ତି।
ପିଲାମାନଙ୍କ ଅଭିଯୋଗ ଅନୁସାରେ ମଧ୍ୟାହ୍ନଭୋଜନରେ ଭାତ ଓ ଡାଲିର ଗୁଣବତ୍ତା ଦୃଷ୍ଟିକଟା ଥିଲା। ଭାତ ଓ ଡାଲିରେ ଅସ୍ଵାଭାବିକ ଖଟା ଘ୍ରାଣ ରହିଥିବାର କଥା ଉଠିଛି, ଯାହା ଦ୍ୱାରା ଅନେକ ପିଲାମାନଙ୍କୁ ଖାଇବା ପରେ ଶାରୀରିକ ଅସୁବିଧା ଆରମ୍ଭ ହେଲା। କିଛି ଛାତ୍ରଛାତ୍ରୀ ଏହି ଭୋଜନ ଖାଇବା ଏଢାଇ ଦେଇ ତା’କୁ ଫିଙ୍ଗି ଦେଇଥିଲେ, ଯାହା ସେମାନଙ୍କ ପାଇଁ ଏକ ସୁରକ୍ଷାକାରୀ ପଦକ୍ଷେପ ସାବ୍ୟସ୍ତ ହୋଇ ଦେଖାଯାଇଛି।
ଗୁରୁତର ଅବସ୍ଥାରେ ଥିବା ଛାତ୍ରଛାତ୍ରୀମାନଙ୍କୁ ସିମନବାଡ଼ି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି, ଯେଉଁଠାରେ ଡାକ୍ତର ସେମାନଙ୍କୁ ଚିକିତ୍ସା ଦେଇ ଥିବା ସୂଚନା ମିଳିଛି। ପ୍ରଧାନ ଶିକ୍ଷକ ବିଦେଶୀ ନାୟକ, ସହକାରୀ ଶିକ୍ଷୟିତ୍ରୀ ଓ ସିଆରସିସି ଶିବଶଙ୍କର ସାହୁ ପ୍ରଥମେ ତତ୍କାଳ ମଦତ ଯୋଗାଇଥିଲେ।
