ତିହିଡି, ୩୧/୧୨:ଭଦ୍ରକ-ଚାନ୍ଦବାଲି ରାଜ୍ୟ ରାଜପଥର ପଣ୍ଡାପୋଖରୀ ଛକରେ ମଙ୍ଗଳବାର ସକାଳେ ଏକ ଦୁଃଖଦ ଦୁର୍ଘଟଣା ଘଟିଛି। ଥାନା ପୋଲିସ ମୃତଦେହ ଜବତ କରିଛନ୍ତି ଏବଂ ମୃତକଙ୍କ ପରିଚୟ ମୃତଦେହ ପାଖରେ ଥିବା ଆଧାର କାର୍ଡ ମାଧ୍ୟମରେ ମିଳିଛି। ମୃତକ ନାଁ ଉତ୍ତମ ବରିହା ଏବଂ ସେ ବରଗଡ଼ ଜିଲାର ଖରମୁଣ୍ଡା ଥାନା ଅଧୀନ ଦଡଙ୍ଗାପାଲି ଗ୍ରାମର ବାସିନ୍ଦା। ଉତ୍ତମ କୌଣସି କାମ ପାଇଁ ଆସି ଚକରେ ଓହ୍ଲାଇଥିଲେ ବୋଲି ପୋଲିସ ମାନେ ଅନୁମାନ କରୁଛନ୍ତି। ଏଥିରେ କୌଣସି ଏକ ଗାଡି ତାଙ୍କୁ ଧକ୍କା ଦେଇ ଘଟଣାସ୍ଥଳରେ ତାଙ୍କ ମୃତ୍ୟୁ ଘଟାଇଥିବା ଜଣାଯାଇଛି। ଦୁର୍ଘଟଣା ଘଟାଇଥିବା ଗାଡିର ସନ୍ଧାନ ଏପର୍ଯ୍ୟନ୍ତ ମିଳିପାରିନାହିଁ।
ଖବର ପାଇବା ସହିତ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ଏକ ମକଦ୍ଦମା ରୁଜୁ କରିଛି। ମୃତକଙ୍କ ପରିବାରକୁ ଘଟଣା ସମ୍ପର୍କରେ ସୂଚନା ଦିଆଯାଇଛି ଏବଂ ଘଟଣାର ସବ୍ୟସ୍ତ ତଦନ୍ତ ଆରମ୍ଭ କରାଯାଇଛି।
ପୋଲିସ ଏହି ଅଜଣା ଗାଡି ଏବଂ ଏହାର ଚାଲକଙ୍କ ସନ୍ଧାନରେ ଲାଗିଛି। ଦୁର୍ଘଟଣା ସମ୍ପର୍କରେ କୌଣସି ସୂଚନା ରହିଲେ ପୀରହାଟ ଥାନାରେ ସୂଚନା ଦେବାକୁ ଅନୁରୋଧ କରାଯାଇଛି।
