ଜଷ୍ଟିସ ଗୌରୀଶଙ୍କର ଶତପଥୀଙ୍କ ଖଣ୍ଡପୀଠ ଏହି ମାମଲାର ଶୁଣାଣି କରିବା ପରେ ଏପରି ନିଷ୍ପତ୍ତି ଦେଇଥିଲେ।
ସ୍ବାମୀଙ୍କ ପୁରୁଷତ୍ବହୀନତାକୁ ଯୋଗ୍ୟ କାରଣ ଭାବରେ ଦର୍ଶାଇ ପତ୍ନୀ ଛାଡ଼ପତ୍ର ଆବେଦନ କରିଥିଲେ। ସ୍ବାମୀ ଭୁବନେଶ୍ୱର ଏମ୍ସରେ ପୂର୍ବରୁ ପରୀକ୍ଷା ହେବା ସତ୍ୱେ, ଏହି ପ୍ରସଙ୍ଗର ସ୍ପଷ୍ଟତା ନାହିଁ ବୋଲି ପରିବାର ଅଦାଲତ ଆଉ ଏକ ପରୀକ୍ଷା ଦେବାକୁ ନିର୍ଦ୍ଦେଶ ଦେଇଥିଲେ। ଏହାକୁ ନେଇ ହାଇକୋର୍ଟ କହିଛନ୍ତି, ଏହି ନିର୍ଦ୍ଦେଶ ଆବଶ୍ୟକ ଏବଂ ନିଷ୍ପକ୍ଷ ତଥ୍ୟ ଉପସ୍ଥାପନ ପାଇଁ ପ୍ରୟୋଜନୀୟ।
ସ୍ବାମୀଙ୍କ ତରଫରୁ କହାଯାଇଛି ଯେ, ସେ ପୂର୍ବରୁ ସମସ୍ତ ପରୀକ୍ଷା ଦେଇଥିବା ଏବଂ ଡାକ୍ତର ରିପୋର୍ଟରେ ସ୍ବାଭାବିକ ବୋଲି ଘୋଷିତ ହୋଇଛି। ତଥାପି ଆଉ ଏକ ପରୀକ୍ଷାକୁ ନେଇ ସେ ଆପତ୍ତି କରିଥିଲେ। ପକ୍ଷାନ୍ତରରେ, ପତ୍ନୀ କହିଛନ୍ତି ଯେ ଏହା ପ୍ରମାଣ କରିବା ପାଇଁ ଆଉ ଏକ ପର୍ଯ୍ୟାୟ ଆବଶ୍ୟକ।
ହାଇକୋର୍ଟ ଏହି ମାମଲାରେ ପରିବାର ଅଦାଲତଙ୍କ ନିର୍ଦ୍ଦେଶକୁ ସମର୍ଥନ କରି କହିଛନ୍ତି ଯେ, ଆଉ ଏକ ପରୀକ୍ଷା ଦ୍ୱାରା ପ୍ରସଙ୍ଗର ସ୍ପଷ୍ଟତା ଆଣିବା ଯଥେଷ୍ଟ ଗୁରୁତ୍ୱପୂର୍ଣ୍ଣ। ସ୍ବାମୀଙ୍କ ପକ୍ଷରୁ ଦାୟର ଆବେଦନକୁ ଖାରଜ କରି, ଏହାକୁ ନ୍ୟାୟଂଚିତ ଭାବରେ ପ୍ରସ୍ତାବିତ କରାଯାଇଛି।
