ବେଙ୍ଗାଲୁରୁ, ୧୦ ଡିସେମ୍ବର:-ଜଣେ ୩୪ ବର୍ଷୀୟ ଯୁବକ, ଅତୁଲ ସୁଭାଷ, ଘରୋଇ ହିଂସା ଓ ସ୍ତ୍ରୀ ପରିବାରର ନିର୍ଯ୍ୟାତନାର ଫଳରେ ନିଜ ଜୀବନ ହାରାଇଛନ୍ତି। ମାଞ୍ଜୁନାଇ ଲେଆଉଟ୍ରେ ଥିବା ତାଙ୍କ ଫ୍ଲାଟରୁ ପୋଲିସ ତାଙ୍କ ଝୁଲନ୍ତା ଶବ ଉଦ୍ଧାର କରିଛି। ମୃତ୍ୟୁ ପୂର୍ବରୁ ତାଙ୍କ ଦ୍ୱାରା ଲେଖା ୨୪ ପୃଷ୍ଠାର ସୁଇସାଇଡ ନୋଟ ଓ ଏକ ଦେଢ ଘଣ୍ଟାର ଭିଡିଓ ସମ୍ପ୍ରତି ସୋସିଆଲ ମିଡିଆରେ ଭାଇରାଲ ହୋଇଛି।
ସୁଇସାଇଡ ନୋଟରେ, ଅତୁଲ ସ୍ପଷ୍ଟ କରିଛନ୍ତି ଯେ, ସେ ଘରୋଇ ହିଂସା ଓ ନିର୍ଯ୍ୟାତନାରେ କିପରି ଅସହାୟ ହୋଇପଡ଼ିଥିଲେ। ସେ ତାଙ୍କ ମୃତ୍ୟୁ ପାଇଁ ନିଜର ସ୍ତ୍ରୀ, ସ୍ତ୍ରୀ ଙ୍କର ପରିବାର, ଏବଂ ଏକ ମହିଳା ବିଚାରପତିଙ୍କୁ ଦାୟୀ କରିଥିଲେ। ନୋଟର ଏକ ଅଂଶରେ ସେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଲେଖି ଦେଶର ଅପରାଧିକ ନ୍ୟାୟ ବ୍ୟବସ୍ଥାର ଅସାରତାକୁ ସମାଲୋଚନା କରିଥିଲେ।
ସେମାନଙ୍କ ଦାବି ଅନୁସାରେ, ତାଙ୍କ ସ୍ତ୍ରୀ ଓ ପରିବାର ତାଙ୍କୁ ଟଙ୍କା ଦାବି କରି ନିର୍ଯ୍ୟାତନା ଦେଇଥିଲେ। ଏବଂ ସ୍ତ୍ରୀ, ତାଙ୍କ ପୁଅକୁ ନେଇ ବେଙ୍ଗାଲୁରୁୁ ଛାଡି ଯାଇଥିଲେ। ଅତୁଲ ଅଭିଯୋଗ କରିଛନ୍ତି ଯେ, ମିଛ ମାମଲା ରୁଜୁ କରି ସ୍ତ୍ରୀ ତାଙ୍କୁ ଫସାଇଥିଲେ ଏବଂ ୩ କୋଟି ଟଙ୍କା ମାଗିଥିଲେ।
୨୦୧୯ରେ ବିବାହ ପରେ ସେ ଏକ ସାଧାରଣ ପରିବାର ଜୀବନ ବିତାଇ ଆସୁଥିଲେ। କିନ୍ତୁ ଶ୍ରୀମତୀଙ୍କ ଓ ସ୍ତ୍ରୀ ଙ୍କ ପରିବାରର ନିର୍ଯ୍ୟାତନା ଦିନକୁ ଦିନ ସେହି ସାଧାରଣତାକୁ ଭଙ୍ଗାଇ ଦେଇଥିଲା। ଏହି ଭାବରେ ମୃତ୍ୟୁ ମୁଖରେ ଠେଲା ଯିବାର ମୁଖ୍ୟ କାରଣ ହେଉଛି ମିଛ ମାମଲା ଓ ଅସାମାଜିକ ପ୍ରବୃତ୍ତି।
