ଭଦ୍ରକ: ୫/୧୨:- ରାତିର ଅଧରେ ବେଆଇନ୍ ଗୋ-ଚାଲାଣର ଚେଷ୍ଟାକୁ ଭଦ୍ରକ ଟାଉନ ପୁଲିସ ଓ ପୁରୁଣା ବଜାର ପୁଲିସର ମିଳିତ କାର୍ଯ୍ୟରେ ରୋକାଯାଇଛି। ସୂଚନା ପାଇ ପୁଲିସ ଏକ ଭ୍ୟାନ୍ରେ ଚଢ଼ାଉ କରି, ଦୁଇ ମାଫିଆଙ୍କୁ ଗିରଫ କରିବା ସହିତ ୯ ଗୋରୁକୁ ଉଦ୍ଧାର କରିଛି। ଏହି ଭ୍ୟାନ୍ଟି ହଜାରୀ ନଗର ମଶାଣି ଅଞ୍ଚଳରୁ ପୁରୁଣା ବଜାର ଦିଗକୁ ଗୋ-ଚାଲାଣ କରାଯାଉଥିଲା।
ଭଦ୍ରକ ଏସପି ମୁଡକର ସନ୍ଦୀପ ସମ୍ପତ୍ଙ୍କ ତତ୍ତ୍ଵାବଧାନରେ ଚାଲିଥିବା ବିଶେଷ ଡ୍ରାଇଭ୍ରେ ଏହି କାର୍ଯ୍ୟସଫଳତା ଆସିଛି। ଅଞ୍ଚଳରେ ବେଆଇନ୍ ଗୋ-ଚାଲାଣ ରୋକିବା ପାଇଁ ପୁଲିସ ନିୟମିତ ଭାବରେ ରାତିରେ ପାଟ୍ରୋଲିଂ ବୃଦ୍ଧି କରିଛି। ଭଦ୍ରକ ରାସ୍ତା ଦେଇ ବେଆଇନ୍ ଭାବରେ ଗୋରୁ ଚାଲାଣ ଘଟଣାଗୁଡ଼ିକୁ ଦୃଢ଼ ଭାବରେ ରୋକିବା ପାଇଁ ପୁଲିସ କଡ଼ା ପଦକ୍ଷେପ ଗ୍ରହଣ କରୁଛି।
ସମ୍ପୃକ୍ତ ମାଫିଆଙ୍କ ବିରୋଧରେ ଆଇନସମ୍ମତ କାର୍ଯ୍ୟକଳାପ ଆରମ୍ଭ ହୋଇଛି, ଏବଂ ଚଢ଼ାଉ ପରେ ଆଉ କୌଣସି ସଂଗଠିତ ଚକ୍ର ରହିଛି କି ନାହିଁ, ସେଥିପାଇଁ ଯାଞ୍ଚ ଜାରି ରହିଛି।
