ବରଗଡ଼, ୧୩/୧ : ବରଗଡ଼ର ପ୍ରସିଦ୍ଧ ଧନୁଯାତ୍ରାରେ ରବିବାର ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେଇ ଧରାଣୀର ସଂସ୍କୃତିକ ଭବ୍ୟତାକୁ ପ୍ରକାଶ କରିବା ସହ ମହୋତ୍ସବର ଉନ୍ନତି ପାଇଁ ବଡ଼ ଘୋଷଣା କରିଛନ୍ତି। ମୁଖ୍ୟମନ୍ତ୍ରୀ ବରଗଡ଼ରେ ପହଞ୍ଚିବା ପରେ କଲ୍ୟାଣ ମଣ୍ଡପରୁ ହାତୀରେ ଚଢ଼ି କଂସ ମହାରାଜଙ୍କ ଦରବାରକୁ ଅଭିମୁଖୀତ ହେଇଥିଲେ।
ମହୋତ୍ସବରେ ମୁଖ୍ୟ ଘୋଷଣା:
1. ଧନୁଯାତ୍ରା ପାଇଁ ଅର୍ଥ ସାହାଯ୍ୟ ବୃଦ୍ଧି: ପୂର୍ବ ସରକାରଙ୍କ ଦ୍ୱାରା ଦିଆଯାଉଥିବା ୧୦ ଲକ୍ଷ ଟଙ୍କାର ସ୍ଥାନରେ ଏବେ ସରକାର ୧ କୋଟି ଟଙ୍କା ଖର୍ଚ୍ଚ କରିବାକୁ ପ୍ରସ୍ତାବ କରିଛି।
2. କଂସ ରାଜମହଲ ନିର୍ମାଣ: ବରଗଡ଼ରେ ଧନୁଯାତ୍ରା ଆକର୍ଷଣ ଏବଂ ଐତିହ୍ୟ ରଖିବା ପାଇଁ ୧୨ କୋଟି ୮୦ ଲକ୍ଷ ଟଙ୍କାର ବଜେଟ୍ ସହ କଂସ ରାଜମହଲ ନିର୍ମାଣ କାମ ଆରମ୍ଭ ହେବ।
3. ୟୁନେସ୍କୋ ମାନ୍ୟତା ପାଇଁ ପଦକ୍ଷେପ: ଧନୁଯାତ୍ରାକୁ ୟୁନେସ୍କୋର ଅନ୍ତର୍ଜାତୀୟ ଐତିହ୍ୟ ମାନ୍ୟତା ମିଳିବା ପାଇଁ ଉଦ୍ୟମ କରାଯାଉଛି।
4. କଳାକାରଙ୍କ ପ୍ରୋତ୍ସାହନ: ମହୋତ୍ସବରେ ଅଭିନୟ କରୁଥିବା ୧୭୦ କଳାକାରଙ୍କୁ ୧୦ ହଜାର ଟଙ୍କା ପ୍ରୋତ୍ସାହନ ରାଶି ଦିଆଯିବ।
5. ସର୍ବସାଧାରଣ ପାଇଁ ଧନୁଯାତ୍ରାର ସିଧା ପ୍ରସାରଣ: ମହୋତ୍ସବର ବ୍ୟାପକ ପ୍ରଚାର ପାଇଁ ସମସ୍ତ ସୁବିଧା ସଂବଲିତ ହେବାର ସହିତ ସିଧା ପ୍ରସାରଣ ବ୍ୟବସ୍ଥା ହୋଇଛି।,
ଜିରା ନଦୀରେ ଏକ ଆନିକଟ ନିର୍ମାଣ କରାଯିବାକୁ ଯାହା ପାଇଁ ୮୦ କୋଟି ଟଙ୍କାର ବଜେଟ୍ ନିର୍ଦ୍ଧାରଣ ହୋଇଛି। ଏହା ଚାଷୀମାନଙ୍କ ପାଇଁ ପାଣିର ଉପଲବ୍ଧତା ବଢ଼ାଇବା ସହ ଜଳ ସଂରକ୍ଷଣ ମଧ୍ୟ ନିଶ୍ଚିତ କରିବ।
ତାଙ୍କର ଅନ୍ୟ ଘୋଷଣାରେ, ବରଗଡ଼ର ମୁଖ୍ୟ କେନାଲରେ ଏକ ବ୍ରିଜ ନିର୍ମାଣ ପାଇଁ ୩୦ କୋଟି ଟଙ୍କା ବ୍ୟୟ କରାଯିବାକୁ ପ୍ରକାଶ କରିଛନ୍ତି। ଏହି ବ୍ରିଜର ନିର୍ମାଣ ରାସ୍ତା ଯାତାୟାତର ଶୁବିଧା ଓ ସୁନ୍ଦରତା ବଢ଼ାଇବ।
ଧନୁଯାତ୍ରାକୁ ସମଗ୍ର ଓଡ଼ିଶାର ଗର୍ବ ବୋଲି ବିବେଚନା କରି, ମୁଖ୍ୟମନ୍ତ୍ରୀ କହିଛନ୍ତି, "ଧନୁଯାତ୍ରା କେବଳ ପଶ୍ଚିମ ଓଡ଼ିଶାର ଏକ ପାର୍ବଣ ନୁହେଁ, ଏହା ସମଗ୍ର ଓଡ଼ିଶାର ସଂସ୍କୃତି ଓ ସ୍ୱାଭିମାନର ପରିଚୟ। ଏହି ମହୋତ୍ସବକୁ ଆଉ ଆକର୍ଷଣୀୟ କରିବା ଏବଂ ଆନ୍ତର୍ଜାତୀୟ ମଞ୍ଚରେ ପ୍ରତିଷ୍ଠିତ କରିବା ଆମ ସମ୍ପ୍ରତି ପ୍ରୟାସ।"
ମୁଖ୍ୟମନ୍ତ୍ରୀଙ୍କ ଏହି ପଦକ୍ଷେପ ଧନୁଯାତ୍ରାର ଆନ୍ତର୍ଜାତୀୟ ଗୁରୁତ୍ୱ ବଢ଼ାଇ ଏବଂ ଓଡ଼ିଶାର ସଂସ୍କୃତିକ ପରିଚୟକୁ ନୂତନ ମଞ୍ଚ ଦେବାର ପ୍ରତିକ୍ରିୟା ସୃଷ୍ଟି କରିଛି।
