ନୂଆଦିଲ୍ଲୀ, ୫।୧: ମାତାପିତାଙ୍କୁ ଉପହାର ସ୍ୱରୂପ ସମ୍ପତ୍ତି ଦିଆଯାଇଥିଲେ ଏବଂ ପରେ ସେମାନଙ୍କ ଯତ୍ନ ନେବାରେ ପିଲାମାନେ ବିଫଳ ହେଲେ, ସେହି ସମ୍ପତ୍ତିକୁ ଫେରାଇ ନେବା ପାଇଁ ଆଇନି ଅଧିକାର ରହିବ। ସୁପ୍ରିମକୋର୍ଟ ଜଣାଇଛି ଯେ ମାତାପିତା ତଥା ବରିଷ୍ଠ ନାଗରିକଙ୍କ ସୁରକ୍ଷା ପାଇଁ ୨୦୦୭ରେ ପ୍ରସ୍ତୁତ ଆଇନ ଅନୁଯାୟୀ, ସେମାନଙ୍କ ଦେଖାଭାଲ ରେ ଅସମର୍ଥ ପିଲାମାନଙ୍କୁ ସମ୍ପତ୍ତିରୁ ବଞ୍ଚିତ କରାଯିବା ଉଚିତ।
ମଧ୍ୟପ୍ରଦେଶର ଛତ୍ରପୁର ଏକ ମାମଲାରେ ଜଣେ ମାତା ନିଜ ପୁଅକୁ ଗିଫ୍ଟ ଡିଡ୍ ମାଧ୍ୟମରେ ସମ୍ପତ୍ତି ଦେଇଥିଲେ। ପରେ, ପୁଅ ସେମାନଙ୍କ ଯତ୍ନ ନେବାରେ ବିଫଳ ହେବାରୁ, ମାତା ଟ୍ରିବ୍ୟୁନାଲ ମାଧ୍ୟମରେ ଏହାକୁ ବାତିଲ କରାଇଥିଲେ। ସୁପ୍ରିମକୋର୍ଟ ମଧ୍ୟ ଏହି ଦାବିକୁ ସମର୍ଥନ କରି ଫେବୃଆରୀ ୨୮ ସୁଦ୍ଧା ସମ୍ପତ୍ତିକୁ ମାତାଙ୍କ ନାମରେ ଫେରାଇବାକୁ ନିର୍ଦ୍ଦେଶ ଦେଇଛି।
ଏହି ଆଇନ ଅନୁଯାୟୀ, ଯଦି କୌଣସି ବରିଷ୍ଠ ନାଗରିକ ତାଙ୍କ ସମ୍ପତ୍ତି କାହାକୁ ଦାନ କିମ୍ବା ଉପହାର ଦିଆନ୍ତି, ସେ ସର୍ତ୍ତରେ ସେମାନଙ୍କ ଯତ୍ନ ନିଆଯିବା ନିଶ୍ଚିତ କରାଯାଇଥାଏ। ଯଦି ସେହି ସର୍ତ୍ତ ଉଲଂଘନ ହୁଏ, ଟ୍ରିବ୍ୟୁନାଲ ସେହି ସମ୍ପତ୍ତି ହସ୍ତାନ୍ତରକୁ ବାତିଲ କରିପାରିବ
ଜଷ୍ଟିସ ସିଟି ରବିକୁମାର ଏବଂ ସଞ୍ଜୟ କରୋଲଙ୍କ ବେଞ୍ଚ କହିଛନ୍ତି, ମାତାପିତା ତଥା ବରିଷ୍ଠ ନାଗରିକଙ୍କ ସୁରକ୍ଷା ନିମନ୍ତେ ଏହି ଆଇନର ସଚେତନ ବ୍ୟବହାର କରାଯିବା ଜରୁରୀ। ସମ୍ପତ୍ତି ମାଧ୍ୟମରେ ଏକ ବ୍ୟକ୍ତି ସ୍ଵାର୍ଥ କିମ୍ବା ତ୍ରାସ ମାଧ୍ୟମରେ ଅଧିକାର କରିବାକୁ ଅନୁମତି ଦିଆଯିବ ନାହିଁ।
