କରଞ୍ଜିଆ, ୨୮/୧ : ଶିମିଳିପାଳ ଅଭୟାରଣ୍ୟରେ ଶିକାରୀଙ୍କ ସକ୍ରିୟତାକୁ ଏହିପରି AI ଟେକ୍ନୋଲୋଜି ନକାମା କରିଛି। ବନ ବିଭାଗର ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ ଏକ ଜଣା ଶିକାର ଦଳକୁ ଧରିବାରେ ସଫଳ ହୋଇଛି, ଯାହାର ପ୍ରତ୍ୟକ୍ଷ ସାକ୍ଷ୍ୟ ଦେଇଛି AI କ୍ୟାମେରା। ଗିରଫ ହୋଇଥିବା ମଧ୍ୟରୁ ୫ ଶିକାରୀ ଏବଂ ସେମାନଙ୍କ ନିକଟରୁ ଜବତ ହୋଇଛି ୫ଟି ଦେଶୀ ବନ୍ଧୁକ, ସମ୍ବର ଓ ହରିଣ ଶିଙ୍ଗ, ଧନୁତୀର ଓ ଫାଶ।ଶିମିଳିପାଳ ଅଭୟାରଣ୍ୟରେ ଲଗାଯାଇଥିବା ୩୬୦ ଡିଗ୍ରୀ AI କ୍ୟାମେରା ଆରମ୍ଭରୁ ନଜର ରଖୁଛି ଜଙ୍ଗଲର ସୁରକ୍ଷାରେ। ଏହି କ୍ୟାମେରା ଧୂଆଁ ଉଠିବାର ସହ ଲୋକେସନ୍ ନିର୍ଦ୍ଦେଶ କରୁଥାଏ, ଯାହା ଶିକାରୀ ଧରାଇବାରେ ସାହାଯ୍ୟ କରିଥାଏ। ଗତ ୨୩ ତାରିଖରେ ମଧ୍ୟ ଏହି AI କ୍ୟାମେରା ଦ୍ୱାରା ୩ ଶିକାରୀକୁ ଧରାଯାଇଥିଲା। ସେମାନଙ୍କୁ ଉଦଳା ଥାନା ଅଞ୍ଚଳର ବୋଲି ଚିହ୍ନଟ କରାଯାଇଥିଲା।ବନ ବିଭାଗର ସ୍ଵତନ୍ତ୍ର ଏନଫୋର୍ସମେଣ୍ଟ ଟିମ୍ ଆରମ୍ଭରୁ ଜଙ୍ଗଲର ସୁରକ୍ଷା ନିମନ୍ତେ ସଚେତନ ଥିଲା। ଏହି ଦଳ ଶିମିଳିପାଳରେ ଶିକାରୀମାନଙ୍କ ସକ୍ରିୟତାକୁ ରୋକିବାରେ ନିଜ ଭୂମିକା କାୟମ ରଖୁଛି। ଗତ ବର୍ଷ ଜଙ୍ଗଲ ନିଆଁ ଏବଂ ଏହା ସହ ଶିକାରୀଙ୍କ ସକ୍ରିୟତା ଚିନ୍ତା ବଢ଼ାଇଥିଲା। ଏଥିପାଇଁ ୬ଟି ଟାୱାରରେ AI କ୍ୟାମେରା ଲଗାଯାଇ ଜଙ୍ଗଲକୁ ଅବଲୋକନ କରାଯାଉଛି।
ଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡର ଉପ ନିର୍ଦ୍ଦେଶକ ସମ୍ରାଟ୍ ଗୌଡା କହିଛନ୍ତି, “AI କ୍ୟାମେରା ର ଆବିଷ୍କାର ଏବଂ ଏହାର ସଫଳ ମିଶନ ଆମକୁ ଶିକାରୀ ଧରାଉଥିବାରେ ସାହାଯ୍ୟ କରୁଛି। ଶିମିଳିପାଳରେ ଶିକାରୀଙ୍କ ସକ୍ରିୟତାକୁ ସମୂଳରେ ନିବାରଣ କରିବା ପାଇଁ ବନ ବିଭାଗ ପ୍ରତିବଦ୍ଧ।”
