ଭୁବନେଶ୍ୱର, ୧୩/୧ : ଏକ ଐତିହାସିକ ଦିନରେ, ଓଡ଼ିଶାରେ ଆୟୁଷ୍ମାନ ଭାରତ ଯୋଜନା ଲାଗୁ କରିବାକୁ ସ୍ୱାକ୍ଷର ହେଲା। ଦିଲ୍ଲୀର ବିଜ୍ଞାନ ଭବନରେ ଏମଓୟୁ ସ୍ୱାକ୍ଷର ଅବସରରେ କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ଏକ ନୂତନ ଚୁକ୍ତି ସମ୍ପନ୍ନ ହେଲା, ଯାହା ଆଗାମୀ ଦିନରେ ରାଜ୍ୟର ସ୍ୱାସ୍ଥ୍ୟ ସେବାରେ ବ୍ୟାପକ ପରିବର୍ତ୍ତନ ଆଣିବ।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏ ସନ୍ଦର୍ଭରେ କହିଛନ୍ତି, "ଆମର ଲକ୍ଷ୍ୟ ହେଉଛି ଗ୍ରାମ ଓ ପ୍ରତି ପଞ୍ଚାୟତରେ ସ୍ୱାସ୍ଥ୍ୟ ସେବାକୁ ପହଞ୍ଚାଇବା। ଏହି ଉଦ୍ଦେଶ୍ୟରେ ପ୍ରତି ପଞ୍ଚାୟତରେ ଆୟୁଷ୍ମାନ ଆରୋଗ୍ୟ ମନ୍ଦିର ସ୍ଥାପିତ କରାଯିବ। ଏଠାରେ ଗୋଟିଏ ଲେଖାଏଁ ଯୋଗ ଶିକ୍ଷକ, ସ୍ୱାସ୍ଥ୍ୟକର୍ମୀ ଓ ଅନ୍ୟ ଆବଶ୍ୟକ ସୁବିଧା ଯୋଗାଇ ଦିଆଯିବ।"
୨୦୧୮ରୁ ଯାରି ହୋଇଥିବା ଏହି ଯୋଜନାରେ ଏବେ ପର୍ଯ୍ୟନ୍ତ ୫୫ କୋଟି ହିତାଧିକାରୀ ଉପକୃତ ହୋଇଛନ୍ତି। ଏହି ସ୍କିମର ପ୍ରତି ବର୍ଷ ପ୍ରତି ପରିବାର ୫ ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସୁବିଧା ଦିଆଯାଉଛି, ଯାହା ଚାଲିଶ ହଜାରରୁ ଅଧିକ ହସ୍ପିଟାଲରେ ଦେଶ ମାପିଆ କ୍ୟାସ୍ଲେସ୍ ମୋଡ୍ରେ ମିଳିବ। ଏବେ ଓଡ଼ିଶା ଏହି ଯୋଜନାର ଅଂଶ ହେବ।
ମୁକେଶ ମହାଲିଙ୍ଗ କହିଛନ୍ତି, "ବିରୋଧୀ ଦଳ ରେ ଥିଲାବେଳେ ଏହି ଯୋଜନା ଲାଗୁ କରିବା ପାଇଁ ଆବଶ୍ୟକ ଦାବି କରାଯାଇଥିଲା। ଆଜି ଏହାକୁ ପ୍ରକ୍ରିୟାତ୍ମକ ରୂପ ଦେଇ ଆମେ ଏକ ଐତିହାସିକ ଦିନ ସୃଷ୍ଟି କରିଛୁ। ଏହା ରାଜ୍ୟର ୧.୩ କୋଟି ପରିବାରରେ ୩.୫ କୋଟି ଲୋକଙ୍କୁ ଉପକୃତ କରିବ। ଏହା ମାଧ୍ୟମରେ ଗୋପବନ୍ଧୁ ଜନ ଆରୋଗ୍ୟ ସହ ଆୟୁଷ୍ମାନ ଭାରତକୁ ଗୋଟିଏ କାର୍ଡରେ ଏକତ୍ର କରାଯିବ।"
ଓଡ଼ିଶାର ଆୟୁଷ୍ମାନ ଭାରତ ଆରମ୍ଭ ଏକ ନୂଆ ମନ୍ଥନ ଏବଂ ଗରିବ ଲୋକଙ୍କ ସ୍ୱାସ୍ଥ୍ୟ ଅଧିକାରରେ ଗୁରୁତ୍ୱପୂର୍ଣ୍ଣ ଭୂମିକା ନିବାହ କରିବ।
