ନୂଆପଡ଼ା, ୪/୧ ପୁଣି ନୂଆପଡ଼ା ଜିଲା ବୋଡେନ ବ୍ଲକର ବାଗବାହାଳ ଅଞ୍ଚଳରେ ବାଘ ଆତଙ୍କ ଆବିର୍ଭାବ ହୋଇଛି। ରାତିରେ ଗ୍ରାମବାସୀମାନଙ୍କ ମେଣ୍ଢା ଘରକୁ ପଶି, କଲରା ପତରିଆ ବାଘ ଗ୍ରାମରେ ଅନେକ ମେଣ୍ଢାକୁ ଆକ୍ରମଣ କରି ଦୁର୍ଦ୍ଦଶା ସୃଷ୍ଟି କରିଛି। ରାତିର ଶାନ୍ତ ପରିବେଶ ଭାଙ୍ଗି, ବାଘ ଦ୍ୱାରା ୧୦ରୁ ଅଧିକ ମେଣ୍ଢା ମୃତ୍ୟୁ ମୁଖ ରେ ପଡ଼ିଛି ଓ କେତେକ ମୃତଦେହ ଗ୍ରାମର ପାଖପାଖି ଖାଇ ଅଧା ଛାଡ଼ି ରଖି ଚାଲିଯାଇଛି।
ବାଘ ଆକ୍ରମଣରେ ଆହତ ଏବଂ ମୃତ ମେଣ୍ଢାମାନଙ୍କର ମୂଲ୍ୟ ଅନୁମାନିତ ଏକ ଲକ୍ଷ ଟଙ୍କାରୁ ଅଧିକ ହୋଇପାରେ, ଯାହାର ଫଳରେ ମାଳିକମାନେ ଅତ୍ୟନ୍ତ ହତାଶ ଓ ଆତଙ୍କିତ। ଗ୍ରାମରେ ସମସ୍ତ ଙ୍କ ମଧ୍ୟରେ ଏକ ଭୟଭୀତ ପରିବେଶ ସୃଷ୍ଟି ହୋଇଛି, ଯେଉଁଥରୁ ଗ୍ରାମାବାସୀ ରାତିରେ ଘରବାହାର ହେବାକୁ ଭୟ କରୁଛନ୍ତି। ଗାଁଟି ଶୂନଶାନ ରହିଛି ଓ ମଣିଷମାନେ ଆଗକୁ ନୂଆ ଆକ୍ରମଣ ନିମନ୍ତେ ଚିନ୍ତାରେ ରହିଛନ୍ତି।
ଘଟଣା ସ୍ଥଳରେ ବନ ବିଭାଗର କର୍ମଚାରୀ ସାରଦା ବଦମାଝି ଓ ୱାଚର ବିଦ୍ୟାଧର ମାଝୀ ପହଞ୍ଚି, ପରିବାର ଲୋକଙ୍କ ସହ ବୁଝାଶୁଝା କରି ଏବଂ ଜୀବନ ଓ ପଶୁ ରକ୍ଷା ପାଇଁ ମୁଖ୍ୟ ଚେଷ୍ଟା କରୁଛନ୍ତି। ଆହତ ମେଣ୍ଢାମାନଙ୍କୁ ଚିକିତ୍ସା ସୁବିଧା ଦିଆଯାଉଛି ଓ ପଶୁମାନଙ୍କ ମାଳିକମାନଙ୍କୁ ଅର୍ଥ ସହାୟତା ପ୍ରଦାନ କରାଯିବାକୁ ବନ ବିଭାଗ ପ୍ରତିଶ୍ରୁତି ଦେଇଛି।
ଗ୍ରାମ ଓ ଜଙ୍ଗଲ ମଧ୍ୟରେ ବନ୍ୟପ୍ରାଣୀ ଉପଦ୍ରବକୁ ନିମ୍ନ କରିବାକୁ ଏକ ଲମ୍ବାମିଆଦି ଯୋଜନା ଏବଂ ସରକାରୀ ମୁଖ୍ୟ ଦୃଷ୍ଟି ଅବଶ୍ୟକ। ନୂଆପଡ଼ାରେ ଲୋକଙ୍କ ନିରାପତ୍ତା ଓ ପଶୁସମ୍ପତ୍ତି ସୁରକ୍ଷା ପାଇଁ ତ୍ରୁଟିର ଅଭାବ।
