ବାରିପଦା, ୧୫ /୧ : ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପ (ଏସ୍ଟିଆର୍) ଆଞ୍ଚଳିକ ଅଭୟାରଣ୍ୟ ତଥା ଉତ୍ତର ଓଡ଼ିଶାର ବନ୍ୟଜୀବ ରକ୍ଷାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛି। ଅଭିଯାନରେ, ଅବୈଧ ଶିକାର ଓ ବନ୍ୟଜୀବ ସାମଗ୍ରୀ ବ୍ୟବସାୟ ସହଯୋଗୀ ଶିକାରୀମାନଙ୍କୁ ଧରିବା ସହିତ କଳାବାଘ ଚମଡ଼ା, ନଖ ଜବତ ଓ ୪ ଜଣ ଶିକାରୀ ଙ୍କୁ ଗିରଫ କରାଯାଇଛି। ଏହି ଅଭିଯାନରେ ଗିରଫ ହୋଇଥିବା ଶିକାରୀମାନେ ହେଲେ ଉଦଳା ଅଞ୍ଚଳର ତେନ୍ତୁଳା ଗ୍ରାମର ଅଜମ୍ବର ନାୟକ (ଛଦ୍ମନାମ ଫାଟୁ), ପୀତାମ୍ବର ନାୟକ (ଛଦ୍ମନାମ ଡାକ୍ଟର), ରାମା ନାୟକ (ଛଦ୍ମନାମ ଥାଲୁ) ଓ ବାଲିଘାଟର ବାଇରାମ ମୁର୍ମୁ (ଛଦ୍ମନାମ ଡୁଡିବାବା)। ଏହା ସହ ଘଟଣାର ମୁଖ୍ୟ ମାଷ୍ଟରମାଇଣ୍ଡ ଚିହ୍ନଟ ହେଲେ ମଧ୍ୟ, ସେ ଏଖନ ପର୍ଯ୍ୟନ୍ତ ଫେରାର ରହିଛନ୍ତି। ଏସ୍ଟିଆର୍ର ଦକ୍ଷିଣ ଡିଭିଜନର ଉପନର୍ଦ୍ଦେଶକ ସମ୍ରାଟ ଗୌଡ଼ାଙ୍କ ନେତୃତ୍ୱରେ ଆରମ୍ଭିତ ଅଭିଯାନରେ, ଏକ ସ୍ବତନ୍ତ୍ର ପ୍ରବର୍ତ୍ତନ ଶାଖା ଚଢ଼ାଉ କରି ମୂଲ୍ୟବାନ ତଥ୍ୟ ଉଦ୍ଭାସିତ କରିଥିଲା। ତେବେ ପୂର୍ବରୁ ଗିରଫ ହୋଇଥିବା ୨ ଶିକାରୀଙ୍କ ପଚରାଉଚରା ପରେ ଏହି ସଫଳତା ମିଳିଥିଲା। ବାଘ ନଖ ଓ ଦାନ୍ତ ଜବତ ସହିତ ପୂର୍ବ ଅଭିଯାନଗୁଡ଼ିକ ଏହାର ପୃଷ୍ଠଭୂମି ସ୍ପଷ୍ଟ କରିଛି। ରାଜ୍ୟସ୍ତରୀୟ ଯୁଗ୍ମ କାର୍ଯ୍ୟ ବାହିନୀ (JTF) ପକ୍ଷରୁ ମାମଲାର ଗଭୀର ତଦନ୍ତ ଚାଲିଥିବା ବେଳେ, ଶିମିଳିପାଳ ଦଳ ଅନ୍ୟାନ୍ୟ ପ୍ରାଚୀରା ଦଳଗୁଡ଼ିକ ସହ ସମନ୍ୱୟ କରୁଛି।ଏହି ଅଭିଯାନ ମାଧ୍ୟମରେ ଶିକାରୀମାନଙ୍କ ନେଟୱର୍କ ଉପରେ ଗୁରୁତ୍ୱଦାନ କରାଯାଇଛି। ତେବେ ଆସନ୍ତା ଦିନରେ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିବା ଏକ ମୁଖ୍ୟ ଚାଲେଞ୍ଜ ହେବାର ସମ୍ଭାବନା ଅଛି।
