ଡମପଡା, ୧୬/୦୧: ପୂର୍ବ ଶତ୍ରୁତାକୁ ନେଇ ମଂଗଳବାର ରାତିରେ ବାଙ୍କୀ ଥାନା ଅନ୍ତର୍ଗତ ଗୋବିନ୍ଦପୁର ଗ୍ରାମରେ ଜଣେ ଯୁବକ ସୁମନ୍ତ ସାହୁ (୨୬)ଙ୍କୁ ସଂଘବଦ୍ଧ ଆକ୍ରମଣ କରି ହତ୍ୟା କରାଯାଇଛି। ଘଟଣାରେ ସୁମନ୍ତଙ୍କ ମା’ ସୁଷମା ସାହୁ ଗୁରୁତର ଆହତ ହୋଇଛନ୍ତି। ପୋଲିସ ୬ ଜଣଙ୍କୁ ଅଟକ ରଖି ପଚରାଉଚରା ଜାରି ରଖିଛି।
ସୂଚନା ଅନୁଯାୟୀ, ସୁମନ୍ତ ସାହୁ ଏକ ଘରୋଇ କମ୍ପାନିରେ କାର୍ଯ୍ୟରତ ଥିଲେ। ଗତ ରବିବାର ସେ ଛୁଟିରେ ଘରକୁ ଫେରିଥିଲେ। ମଙ୍ଗଳବାର ସନ୍ଧ୍ୟାରେ ମକର ଯାତ୍ରା ଦେଖିବା ପରେ ଘରକୁ ଫେରୁଥିବା ସମୟରେ, ଚତରପୋଖରୀ ଶଙ୍ଖଠାରେ କିଛି ଦୁର୍ବୃତ୍ତ ତା’ଙ୍କୁ ଅଟକାଇ ଆକ୍ରମଣ କରିଥିଲେ। ଘଟଣାସ୍ଥଳରେ ସୁମନ୍ତଙ୍କ ମା’ ଓ ଭଉଣୀ ତାଙ୍କୁ ରକ୍ଷା କରିବାକୁ ଚେଷ୍ଟା କରିଥିବା ବେଳେ, ସେମାନଙ୍କୁ ମଧ୍ୟ ଆକ୍ରମଣ କରାଯାଇଥିଲା।
ଘଟଣାରେ ଗୁରୁତର ଆହତ ସୁମନ୍ତକୁ ପ୍ରଥମେ ସୁବର୍ଣ୍ଣପୁର ସ୍ୱାସ୍ଥ୍ୟକେନ୍ଦ୍ରକୁ ନେଇ ହେଲେ, ଅବସ୍ଥା ସଂକଟାପନ୍ନ ହୋଇଥିବାରୁ ସେ’କୁ କଟକ ବଡ଼ି ଡାକ୍ତରଖାନାକୁ ଶିଫ୍ଟ କରାଯାଇଥିଲା। କିନ୍ତୁ ଡାକ୍ତର ତା’ଙ୍କୁ ମୃତ ଘୋଷଣା କଲେ। ମୃତ୍ୟୁ ଖବର ସହିତ ସାରା ପରିବାର ଶୋକାକୁଳ ଅବସ୍ଥାରେ ଅଛନ୍ତି।
ଘଟଣା ସଂପର୍କରେ ସୁମନ୍ତଙ୍କ ମା’ ବାଙ୍କୀ ଥାନାରେ ୧୧ ଜଣଙ୍କ ବିରୋଧରେ ଅଭିଯୋଗ କରିଛନ୍ତି। ପୋଲିସ ଏକ ମାମଲା ରୁଜୁ କରି ଅନ୍ୟ ଦୁର୍ବୃତ୍ତମାନଙ୍କ ମିଳିତା ଦା’ରେ ତଦନ୍ତ ଜାରି ରଖିଛି।
ଘଟଣାସ୍ଥଳକୁ ପହଞ୍ଚିଥିବା ପ୍ରାକ୍ତନ ବିଧାୟକ ଡ଼. ଦେବାଶିଷ ପଟ୍ଟନାୟକ ପରିବାରକୁ ସାନ୍ତ୍ୱନା ଦେଇଥିବା ସହ, ଦୁର୍ବୃତ୍ତମାନଙ୍କୁ ଗିରଫ କରିବା ପାଇଁ କଟକ ଗ୍ରାମାଞ୍ଚଳ ଏସ୍ପି ପ୍ରତୀକ ସିଂହଙ୍କ ସହ ଆଲୋଚନା କରିଥିଲେ।
