ନୂଆଦିଲ୍ଲୀ, ୧୫/୧ : ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବିରୋଧରେ ମଦ ଦୁର୍ନୀତି ସହିତ ଜଡିତ କଥିତ ମନି ଲଣ୍ଡରିଂ ମାମଲା ରୁଜୁ କରିବା ପାଇଁ କେନ୍ଦ୍ର ଗୃହ ମନ୍ତ୍ରଣାଳୟ ଇଡିକୁ ଅନୁମତି ଜାରି କରିଛି। ସୂତ୍ର ଅନୁଯାୟୀ, ମନ୍ତ୍ରଣାଳୟ ପୂର୍ବତନ ମନ୍ତ୍ରୀ ମନୀଷ ସିସୋଦିଆଙ୍କ ବିରୋଧରେ ମଧ୍ୟ ମାମଲା ରୁଜୁ କରିବାକୁ ଅନୁମତି ପ୍ରଦାନ କରିଛି।
ଇଡି କହିଛି ଯେ କେଜ୍ରିୱାଲ ମଦ ଦୁର୍ନୀତିର ମାଷ୍ଟରମାଇଣ୍ଡ ଏବଂ ଏକ ଷଡଯନ୍ତ୍ରକାରୀ ଭାବେ କାମ କରିଥିଲେ। ଏହି ମାମଲାରେ, ଇଡି ଏକ ଚାର୍ଜସିଟ ଦାଖଲ କରି କେଜ୍ରିୱାଲଙ୍କୁ "ବାଦଶାହା" ଭାବରେ ବର୍ଣ୍ଣନା କରିଥିଲା। କେଜ୍ରିୱାଲ ଏହି ଚାର୍ଜସିଟକୁ ଦିଲ୍ଲୀ ହାଇକୋର୍ଟରେ ଆପତ୍ତି ଜଣାଇ କହିଥିଲେ ଯେ ଏହାର ଉପରେ ତତ୍କାଳ ରୋକ ଲଗାଯିବା ଉଚିତ।
ଗତ ବର୍ଷ ନଭେମ୍ବରରେ, ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲା ଯେ କୌଣସି ସରକାରୀ କର୍ମଚାରୀଙ୍କ ବିରୋଧରେ ମାମଲା ରୁଜୁ ପୂର୍ବରୁ ସଂପୃକ୍ତ କର୍ତ୍ତୃପକ୍ଷଙ୍କ ଅନୁମତି ଆବଶ୍ୟକ। ଏହି ଆଭିବ୍ୟକ୍ତି ମାନେଇ କରି, ଗୃହ ମନ୍ତ୍ରଣାଳୟ ମାମଲା ଆଗକୁ ବଢ଼ାଇବାକୁ ଅନୁମତି ଦେଇଛି।
