ଏହି ବୈଠକରେ ଇସ୍ପାତ, ଗ୍ରୀନ ଏନର୍ଜି, ଗ୍ରୀନ ଅମୋନିଆ, ଗ୍ରୀନ ହାଇଡ୍ରୋଜେନ, ଅକ୍ଷୟ ଶକ୍ତି, କେମିକାଲ୍ସ, ସେମିକଣ୍ଡକ୍ଟର, ଆଇଟି ଏବଂ ସିମେଣ୍ଟ ଭଳି ଦୂରଦୃଷ୍ଟିମୂଳକ ଖାତାକୁ ଆଗରେ ରଖାଯାଇଛି। ପ୍ରାୟ ୧୦୦ରୁ ଅଧିକ ଆଗ୍ରହୀ କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ (ସିଇଓ) ଏଥିରେ ଅଂଶଗ୍ରହଣ କରିଥିଲେ।
ମୁଖ୍ୟମନ୍ତ୍ରୀ କହିଛନ୍ତି ଯେ ଓଡ଼ିଶାର ଜିଡ଼ିପି ଦେଶରେ ସର୍ବୋଚ୍ଚ ସ୍ତରରେ ରହିଛି ଏବଂ ଏହା ପୁଞ୍ଜିନିବେଶ ପାଇଁ ଅନୁକୂଳ ପରିବେଶ ସୃଷ୍ଟି କରୁଛି। ସେ ଆଉ କହିଛନ୍ତି, ରାଜ୍ୟରେ ପ୍ରତ୍ୟେକ ଜିଲ୍ଲାରେ ଶିଳ୍ପ ପ୍ରତିଷ୍ଠାର ଲକ୍ଷ୍ୟ ରଖି ବିଭିନ୍ନ ଅଧିକାରୀ ଏବଂ ନିବେଶକମାନଙ୍କ ସହ ମିଳିତ ପ୍ରଯାସ ହେଉଛି। ରେଳ, ସଡକ ଓ ବନ୍ଦର ବିକାଶରେ ଏକ ଦୂରଦୃଷ୍ଟି ନୀତି ନେଇ ରାଜ୍ୟ ସୀମାନ୍ତ ଅଞ୍ଚଳରେ ମଧ୍ୟ ଶିଳ୍ପାନୁଷ୍ଠାନ ତିଆରିରେ ଧ୍ୟାନ ଦେଇଛି।
ମୁଖ୍ୟମନ୍ତ୍ରୀ ଏହା ମଧ୍ୟ ଉଲ୍ଲେଖ କରିଛନ୍ତି ଯେ, ଓଡ଼ିଶା ପ୍ରାକୃତିକ ସମ୍ବଳ ଓ ଖଣିଜ ସମ୍ପଦରେ ଭରିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଶୀର୍ବାଦ ଓ ସମର୍ଥନ ଓଡ଼ିଶାକୁ ଦୂର ଦୃଷ୍ଟି ଦେଇଛି। ସେ ଆଶା କରିଥିଲେ, ରାଜ୍ୟ ବିକଶିତ ଭାରତର ଗ୍ରୋଥ ଇଞ୍ଜିନରେ ପରିଣତ ହେବ।
ସାତ ମାସରେ ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ଅନେକ ଗୁରୁତ୍ଵପୂର୍ଣ୍ଣ କାର୍ଯ୍ୟକ୍ରମ ସଫଳ ଭାବେ ଆୟୋଜନ କରାଯାଇଛି। ଏହା ମାଧ୍ୟମରେ ଓଡ଼ିଶାକୁ ଆର୍ଥିକ ଓ ଶିଳ୍ପ ମାନଚିତ୍ରରେ ଏକ ନୂତନ ଉଚ୍ଚତାରେ ନେବାର ପ୍ରତିଶ୍ରୁତି ମିଳୁଛି।
