ଛତ୍ରପୁର, ୧୯/୧ : ଗଞ୍ଜାମ ଜିଲାର ଛତ୍ରପୁର ଥାନା ପୋଲିସ ଆଜି ଦୁଇଜଣ ସାଇବର ଠକକୁ ଗିରଫ କରି ଏକ ମହତ୍ତ୍ୱପୂର୍ଣ୍ଣ ସଫଳତା ହାସଲ କରିଛି। ଗିରଫ ହୋଇଥିବା ଦୁଇ ଜଣ ହେଲେ ହିଞ୍ଜିଳି ଅଞ୍ଚଳର ପବିତ୍ର କୁମାର ପ୍ରଧାନ ଓ ପୋଲସରା ଥାନା ବର୍ତ୍ତିନ ଅଞ୍ଚଳର ମଣ୍ଟୁ ପାତ୍ର, ଯେଉଁମାନେ ନିଜକୁ ସାଇବର ପୋଲିସ କର୍ମଚାରୀ ବୋଲି ପରିଚୟ ଦେଇ ଠକାମି କରୁଥିଲେ।
ସୂଚନା ଅନୁସାରେ, ଛତ୍ରପୁର ଦେବୀନଗରର ସ୍ବାଗତ ମିଶ୍ର ଗତ ୫ ନଭେମ୍ବର ୨୦୨୩ରେ ନିଜର କ୍ରେଡିଟ୍ କାର୍ଡରୁ ୨ ଲକ୍ଷ ୭୪ ହଜାର ଠକାମିର ଶିକାର ହୋଇଥିଲେ। ଏହା ପରେ, ଏହି ଠକ ଦୁଇ ଜଣ ସ୍ବାଗତଙ୍କ ସଂସ୍ପର୍ଶରେ ଆସି ନିଜକୁ ସାଇବର କର୍ମଚାରୀ ବୋଲି ପରିଚୟ ଦେଇ ଟଙ୍କା ଫେରି ପାଇବା ଆଶା ଦେଇଥିଲେ। ଏହାରୁ ପ୍ରଭାବିତ ହୋଇ, ସ୍ବାଗତ ପ୍ରଥମେ ନିଜର ଠକା ଟଙ୍କା ଫେରତ ପାଇବାକୁ ୧ ଲକ୍ଷ ୬୪ ହଜାର ଅଧିକ ଟଙ୍କା ଦେଇଥିଲେ।
ସ୍ବାଗତ ଠକାମିର ଶିକାର ହୋଇଥିବା ଜାଣି ଛତ୍ରପୁର ଥାନାରେ ଅଭିଯୋଗ ଦାଖଲ କରିଥିଲେ। ଏପରେ, ଥାନା ପୋଲିସ ତଦନ୍ତରେ ନିମଗ୍ନ ହୋଇ ନକଲି ସାଇବର କର୍ମଚାରୀ ପବିତ୍ର କୁମାର ପ୍ରଧାନ ଓ ମଣ୍ଟୁ ପାତ୍ରଙ୍କୁ ଗିରଫ କରିଛି। ଏହି ଅଭିଯୁକ୍ତ ମାନଙ୍କ ବିରୋଧରେ ସାଇବର ଠକାମି ସହିତ ଜନସାଧାରଣଙ୍କୁ ଧୋକା ଦେବା ଅଭିଯୋଗ ରହିଛି।
ପୋଲିସ ଲୋକମାନଙ୍କୁ ସଚେତନ ଥିବାର ଆହ୍ୱାନ କରି ଏହା ସ୍ପଷ୍ଟ କରିଛି ଯେ, ସାଇବର ଠକାମିର ଶିକାର ହେବାରୁ ରକ୍ଷା ପାଇବା ପାଇଁ ସାବଧାନ ଓ ସଚେତନ ରହିବା ଅତ୍ୟାବଶ୍ୟକ।
