ନୂଆଦିଲ୍ଲୀ, ୩/୧: ପ୍ରବାସୀ ଭାରତୀୟ କାର୍ଯ୍ୟକ୍ରମରେ ଯୋଗଦାନ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ୮ ଜାନୁଆରୀ ସନ୍ଧ୍ୟାରେ ଭୁବନେଶ୍ୱର ପହଞ୍ଚିବେ। ସେ ଦିନ ସନ୍ଧ୍ୟାରେ ରାଜଭବନକୁ ପ୍ରସ୍ଥାନ କରିବା ପରେ ସେଠାରେ ରାତ୍ରି ଯାପନ କରିବେ। ୯ ଜାନୁଆରୀ ମଧ୍ୟାହ୍ନରେ ସେ ଜନତା ମଇଦାନରେ ଅନୁଷ୍ଠିତ ପ୍ରବାସୀ ଭାରତୀୟ ସମାରୋହର ମୁଖ୍ୟ କାର୍ଯ୍ୟକ୍ରମରେ ଯୋଗଦେବେ।
୧୮ତମ ପ୍ରବାସୀ ଭାରତୀୟ ଦିବସ ସମ୍ମିଳନୀ ଏବେକୁ ଭୁବନେଶ୍ୱରରେ ଅନୁଷ୍ଠିତ ହେବ। ଏହାର ଆୟୋଜନ ୮ ଜାନୁଆରୀରୁ ୧୦ ଜାନୁଆରୀ ପର୍ଯ୍ୟନ୍ତ ହେବାକୁ ଯାଉଛି। ଏହି ତିନି ଦିନ ଧରି ଚାଲିଥିବା କାର୍ଯ୍ୟକ୍ରମରେ ପ୍ରାୟ ୫୦୦୦ ଅଂଶଗ୍ରହଣକାରୀ ଭାଗ ନେବେ। ଏହାର ଉଦ୍ଯାପନରେ ରାଷ୍ଟ୍ରପତି, ପ୍ରଧାନମନ୍ତ୍ରୀ, ବହିର୍ବ୍ୟାପାର ମନ୍ତ୍ରୀ, ମୁଖ୍ୟମନ୍ତ୍ରୀ ସହ ଦେଶ ବିଦେଶର ଅନେକ ମାନ୍ୟଗଣ୍ୟ ବ୍ୟକ୍ତି ଏବଂ ପ୍ରବାସୀ ଭାରତୀୟ ମାନଙ୍କ ଉପସ୍ଥିତି ଦେଖିବାକୁ ମିଳିବ।
ପ୍ରଥମ ଦିନରେ ‘ଯୁବ ପ୍ରବାସୀ ଭାରତୀୟ ଦିବସ’ର ଆୟୋଜନ ହେବ। ଦ୍ୱିତୀୟ ଦିନରେ ମୁଖ୍ୟ ସମାରୋହ ଅନୁଷ୍ଠିତ ହେବା ସହ ପ୍ରଧାନମନ୍ତ୍ରୀ ତାଙ୍କ ଉପସ୍ଥିତିରେ ‘ପ୍ରବାସୀ ଭାରତୀୟ ତୀର୍ଥ ଏକ୍ସପ୍ରେସ୍’ର ଡିଜିଟାଲ ଫ୍ଲାଗଅଫ କରିବେ। ତୃତୀୟ ଦିନରେ ଉଦ୍ଯାପନ ସମାରୋହ ସାଂସ୍କୃତିକ କାର୍ଯ୍ୟକ୍ରମ ଓ ଆଲୋଚନାରେ ଭରି ଥିବ।
ପ୍ରବାସୀ ଭାରତୀୟ ଦିବସ କେବଳ ଏକ ସମାରୋହ ନୁହେଁ, ଏହା ଭାରତର ସାମ୍ବିଦାନିକ ସମ୍ପର୍କ ଓ ଆର୍ଥିକ ସଂପ୍ରସାରଣକୁ ବୃଦ୍ଧି କରିବାକୁ ଏକ ଅତ୍ୟନ୍ତ ମହତ୍ୱପୂର୍ଣ୍ଣ ମଞ୍ଚ ରୂପେ କାମ କରେ। ସମସ୍ତ ଦିନରେ ବିଭିନ୍ନ ପ୍ରସଙ୍ଗରେ ଆଲୋଚନା କରାଯିବା ସହିତ ଭାରତ ଓ ପ୍ରବାସୀ ଭାରତୀୟମାନଙ୍କ ମଧ୍ୟରେ ଜନସଂପର୍କ ଗଢ଼ି ଉଠିବ।
