ସମ୍ପୃକ୍ତ ଖବର ଅନୁସାରେ, ହାସିନାଙ୍କ ପିତା ଏବଂ ବାଂଲାଦେଶର ପ୍ରଥମ ରାଷ୍ଟ୍ରପତି ଶେଖ୍ ମୁଜିବୁର ରହମାନଙ୍କ ଘରକୁ ମଧ୍ୟ ଜେସିବି ମାଧ୍ୟମରେ ଧ୍ୱଂସ କରାଯାଇଛି। ଏହି ଭବନକୁ ଏକ ସଂଗ୍ରହାଳୟର ରୂପ ଦେବା ଯୋଜନା ଥିଲା, ଯାହା ବିକ୍ଷୋଭକାରୀମାନଙ୍କ ହିଂସାରେ ଅପରିଣତ ହୋଇଛି।
ହାସିନା, ଯିଏ ଗତ ବର୍ଷ ଛାତ୍ର ଆନ୍ଦୋଳନ ପରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇ ଭାରତକୁ ପଳାଇଥିଲେ, ସେ ସୋସିଆଲ୍ ମିଡିଆ ମାଧ୍ୟମରେ ଜନସାଧାରଣଙ୍କୁ ଉଦ୍ବୋଧନ କରି ଏବଂ ସାମ୍ପ୍ରତିକ ସରକାର ବିରୋଧରେ ଅସନ୍ତୋଷ ଉସୁକାଇ ରହିଥିବା ଅଭିଯୋଗ ଉଠିଛି। ଏହି ଅଭିଯୋଗରେ ସେଠି ତାଙ୍କ ବିରୋଧରେ ଗିରଫ ପରୱାନା ଜାରି କରାଯାଇଛି।
ଏହି ହିଂସାର ଘଟଣା ପରେ ରାଜନୈତିକ ଅସ୍ଥିରତା ବଢ଼ିବା ନିଶ୍ଚିତ ମନାଯାଉଛି। ହାସିନା ଏହି ଆକ୍ରମଣକୁ ନିନ୍ଦା କରି କହିଛନ୍ତି, "ଘର ଭାଙ୍ଗିଦେଇପାରନ୍ତି, କିନ୍ତୁ ଇତିହାସକୁ ଜାଳି ପାରିବେ ନାହିଁ"।
