ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କୁ ହତ୍ୟା ଧମକ, ପୋଲିସ ସତର୍କ

ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କୁ ହତ୍ୟା ଧମକ ମିଳିଛି। ମୁମ୍ବାଇର ଗୋରେଗାଓଁ ପୋଲିସ ଏବଂ ମନ୍ତ୍ରଣାଳୟ ଏକ ଅଜଣା ବ୍ୟକ୍ତିଙ୍କ ଠାରୁ ଧମକପୂର୍ଣ୍ଣ ଇମେଲ ପାଇଥିଲା, ଯେଉଁଥିରେ ଶିବସେନା ମୁଖ୍ୟଙ୍କ କାରକୁ ବୋମା ମାଡ଼ କରିବାର ଉଲ୍ଲେଖ ଥିଲା।ପୋଲିସ ଏବଂ କ୍ରାଇମବ୍ରାଞ୍ଚ ଏହି ମାମଲାର ତଦନ୍ତ ଆରମ୍ଭ କରି ଇମେଲର IP ଟ୍ରେସ କରୁଛନ୍ତି। ଏହି ଧମକ ପରେ, ଶିନ୍ଦେଙ୍କ ସୁରକ୍ଷା ବୃଦ୍ଧି କରାଯାଇଛି। ଗତ କିଛି ଦିନ ଧରି ରାଜନୈତିକ ନେତାମାନଙ୍କୁ ଧମକପୂର୍ଣ୍ଣ କଲ ଏବଂ ଇମେଲ ମିଳୁଥିବା ଘଟଣା ସାମ୍ନାକୁ ଆସୁଛି, ଯାହା ନେଇ ପୋଲିସ ଗମ୍ଭୀର ଭାବରେ ତଦନ୍ତ କରୁଛି।