ବେଙ୍ଗାଲୁରୁ ବିମାନବନ୍ଦରରେ ED ର ବଡ଼ କାର୍ଯ୍ୟାନୁଷ୍ଠାନ, ୨.୧୨ କୋଟି ବିଦେଶୀ ମୁଦ୍ରା ଜବତ

 

ପ୍ରବର୍ତ୍ତନ ନିର୍ଦ୍ଦେଶାଳୟ (ED) ବେଙ୍ଗାଲୁରୁ ବିମାନବନ୍ଦରରେ ଚୋରା ଚାଲାଣ ବିରୁଦ୍ଧରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଶ୍ରୀଲଙ୍କା ନାଗରିକ ବିମଲରାଜ ଥୁରାଇସିଂମଙ୍କଠାରୁ ୨.୧୨ କୋଟି ଟଙ୍କାର ବିଦେଶୀ ମୁଦ୍ରା ଜବତ ହୋଇଛି। ସେ ଏହାକୁ କଲମ୍ବୋକୁ ବେଆଇନ ଭାବରେ ନେବାକୁ ଚେଷ୍ଟା କରୁଥିଲେ।ଏହି ଚୋରା ଚାଲାଣରେ ଆଉ ଦୁଇ ସହଯୋଗୀ, ଜୟନ୍ତି କୁମାର (ଶ୍ରୀଲଙ୍କା) ଏବଂ ବୀରା କୁମାର (ଭାରତୀୟ) ମଧ୍ୟ ଜଡିତ ଥିଲେ। ED ସେମାନଙ୍କୁ ଧରି ପଚରାଉଚରା ଜାରି ରଖିଛି। ଏହି ମାମଲା ହାୱାଲା ନେଟୱାର୍କ ସହିତ ଜଡିତ ହୋଇପାରେ ବୋଲି ସନ୍ଦେହ କରାଯାଉଛି। ବେଙ୍ଗାଲୁରୁ ବିମାନବନ୍ଦର ପୂର୍ବରୁ ମଧ୍ୟ ଚୋରା ମୁଦ୍ରା ଓ ସୁନା ଜବତ ମାମଲା ପାଇଁ ଖବରରେ ରହିଛି।