ନୂଆଦିଲ୍ଲୀ, ୨୩/୩ : ମହିଳାମାନଙ୍କ ଆର୍ଥିକ ସଶକ୍ତିକରଣ ନିମନ୍ତେ କେନ୍ଦ୍ର ସରକାର ପ୍ରସ୍ତାବିତ "ମହିଳା ସମ୍ମାନ ସଞ୍ଚୟ ପ୍ରମାଣପତ୍ର (MSSC)" ଯୋଜନା ଅନ୍ତର୍ଗତ ଆଂଶିକ ଟଙ୍କା ଉଠାଣର ସୁବିଧା ଆରମ୍ଭ କରିଛି। ୩୧ ମାର୍ଚ୍ଚ ୨୦୨୫ ପର୍ଯ୍ୟନ୍ତ ଏହି ଯୋଜନାରେ ନିବେଶ ସମ୍ଭବ ହେବା ସହ, ଏଵେ ଏଥିରେ ଜମା ଟଙ୍କାର ୪୦% ପର୍ଯ୍ୟନ୍ତ ଆଂଶିକ ଉଠାଣ କରିପାରିବେ ଗ୍ରାହକ।
ଯୋଜନାର ମୁଖ୍ୟ ବିଶେଷତା:
ଦୁଇ ବର୍ଷ ପାଇଁ ବୈଧ: MSSC ଯୋଜନା ୧ ଏପ୍ରିଲ ୨୦୨୩ରେ ଆରମ୍ଭ ହୋଇଥିଲା ଏବଂ ୩୧ ମାର୍ଚ୍ଚ ୨୦୨୫ ପର୍ଯ୍ୟନ୍ତ ନିବେଶ ସମ୍ଭବ।
ଆଂଶିକ ଉଠାଣ ସୁବିଧା: ଏହି ଆକାଉଣ୍ଟ ଖୋଲିବାର ଗୋଟିଏ ବର୍ଷ ପରେ, ଜମା ରାଶିର ୪୦% ପର୍ଯ୍ୟନ୍ତ ଉଠାଣ ଅନୁମତି ଦିଆଯାଇଛି। ଉଦାହରଣ ସ୍ୱରୂପ, 30 ଏପ୍ରିଲ 2023ରେ ନିବେଶ କରାଯାଇଥିଲେ, 1 ମଇ 2024ରୁ ଉଠାଣ ସମ୍ଭବ।
ଉଚ୍ଚ ସୁଧ ହାର: MSSC ଏକ ସ୍ଥିର ବ୍ୟାଜ ଦର ୭.୫% ଦେଉଛି, ଯାହା ବ୍ୟାଙ୍କ FD ଏବଂ ଅନ୍ୟ କ୍ଷୁଦ୍ର ସଞ୍ଚୟ ଯୋଜନା ଠାରୁ ଅଧିକ।
ନିବେଶ ସୀମା: ଏଥିରେ ନିବେଶ କରିବାକୁ ମିନିମମ ୧୦୦୦ ଟଙ୍କା ଓ ମ୍ୟାକ୍ସିମମ ୨ ଲକ୍ଷ ଟଙ୍କା ରଖିଛି।
ଟିକସ ରିଲିଫ ନଥିବା: 80C ଧାରା ଅନୁଯାୟୀ ଟିକସ ଛାଡ଼ ମିଳିବ ନାହିଁ, ହେଲେ ମଧ୍ୟ, ଆୟକର ରିଟର୍ଣ୍ଣରେ 'ଅନ୍ୟ ଉତ୍ସରୁ ଆୟ' ଭାବରେ ଏହି ସୁଧ ଦର୍ଶାଇବା ଉଚିତ।
ଅପ୍ରପ୍ତ ବୟସର ଝିଅମାନେ ମଧ୍ୟ ଏହି ଯୋଜନାର ଲାଭ ଉଠାଇପାରିବେ, ଅଭିଭାବକଙ୍କ ଦ୍ୱାରା ନିୟନ୍ତ୍ରିତ ହେବ।
ମହିଳାମାନଙ୍କ ସଂସ୍ଥାନଗତ ଅର୍ଥନୈତିକ ସୁରକ୍ଷା ବୃଦ୍ଧି କରିବା ନିମନ୍ତେ MSSC ଏକ ନୂଆ ଅବସର ଦେଉଛି। ଏହି ଯୋଜନା ସ୍ବଲମ୍ବୀ ମହିଳା ଗଠନରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବେ ଦେଖାଯାଉଛି। ଯଦି ଏଠି ନିବେଶ କରିବା ଚାହୁଁଥାନ୍ତି, ତେବେ ୩୧ ମାର୍ଚ୍ଚ ୨୦୨୫ ପୂର୍ବରୁ ନିଷ୍ପତ୍ତି ନିଅନ୍ତୁ!
