କଂଗ୍ରେସ ଦଳର ମୁଖ୍ୟ ଅଭିଯୋଗ ମହିଳାମାନଙ୍କ ସୁରକ୍ଷା ନେଇ ସରକାରର ଅବହେଳା। ଏପରି ସଂବେଦନଶୀଳ ପ୍ରସଙ୍ଗକୁ ଏବେ ରାଜନୈତିକ ଅସ୍ତ୍ରରୂପେ ବ୍ୟବହାର କରି ଦଳ ଅନ୍ଦୋଳନକୁ ବ୍ୟାପକ କରିବାର ଯୋଜନା କରିଛି। ଏପରିକି ମହିଳାମାନଙ୍କ ପାଇଁ ଏକ ଟୋଲ-ଫ୍ରି ହେଲ୍ପଲାଇନ୍ ଜାରି ନହୋଇଥିବା ବିଷୟରେ କଂଗ୍ରେସ ଆକ୍ରୋଶ ପ୍ରକାଶ କରିଛି।ତଦୁପରି, ଖଣି ଅନିୟମିତତା, ବେଆଇନ ଖନନ ଏବଂ ରାଜ୍ୟର ସାମାଜିକ ବିଭାଜନ ଏହି ଆନ୍ଦୋଳନର ଏକ ଅଂଶ ହେବ। ଦଳ ଅଭିଯୋଗ କରିଛି ଯେ ଓଡ଼ିଶା ସରକାର ଖଣି ଅନୁମତି ନେଇ ଅନେକ ଅନିୟମିତତା କରିଛନ୍ତି ଏବଂ ଏହି ବେଆଇନ ଖନନ ରୋକିବା ପାଇଁ କୌଣସି ଠୋସ ପଦକ୍ଷେପ ନେଉନାହାନ୍ତି।
ଏହି ବୈଠକରେ ବିଧାନସଭାରେ ବିଧାୟକ ତାରା ବାହିନୀପତିଙ୍କ ଉପରେ ହୋଇଥିବା ଅଭିଯୋଗ ଏବଂ ସରକାରଙ୍କ କାର୍ଯ୍ୟପ୍ରଣାଳୀକୁ ନେଇ ମଧ୍ୟ ଚର୍ଚ୍ଚା ହୋଇଛି। ରାଜ୍ୟ ସରକାର ତାଙ୍କ ସ୍ବରକୁ ଚାପି ପାରିବେ ନାହିଁ ବୋଲି କଂଗ୍ରେସ ନେତାମାନେ ହୁଙ୍କାର ଦେଇଛନ୍ତି।ବୈଠକରେ ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା, ପୂର୍ବତନ PCC ସଭାପତି ଜୟଦେବ ଜେନା, ପ୍ରସାଦ ହରିଚନ୍ଦନ, ବରିଷ୍ଠ ନେତା ସୁରେଶ ରାଉତରାୟ, ପୂର୍ବତନ ମନ୍ତ୍ରୀ ପଞ୍ଚାନନ କାନୁନଗୋ, ବିଧାୟକ ତାରା ବାହିନୀପତି, ସୋଫିଆ ଫିର୍ଦୋଶ, ମଙ୍ଗୁ ଖିଲା ଓ ଅନେକ ବରିଷ୍ଠ ନେତାମାନେ ଉପସ୍ଥିତ ଥିଲେ।
ଏହି ଅନ୍ଦୋଳନ ଓଡ଼ିଶାରେ କଂଗ୍ରେସର ପୁନର୍ଜୀବନ ପାଇଁ ଏକ ମହତ୍ୱପୂର୍ଣ୍ଣ ପଦକ୍ଷେପ ହୋଇପାରେ। ଏବେ ଦେଖିବାକୁ ଥିବା ବିଷୟ ହେଲା ଏହି ଅନ୍ଦୋଳନ ସରକାର ଉପରେ କେତେ ପର୍ଯ୍ୟନ୍ତ ଚାପ ସୃଷ୍ଟି କରିପାରିବ।
