ନାବାଳିକା ୨୦ ତାରିଖରୁ ନିଖୋଜ ଥିଲେ। ତାଙ୍କ ପରିବାର ବରଗଡ଼ ଟାଉନ ଥାନାରେ ଅଭିଯୋଗ ଦାଖଲ କଲାପରେ ପୋଲିସ ମାମଲା (ନଂ-୧୪୦/୨୫) ରୁଜୁ କରି ତଦନ୍ତ ଆରମ୍ଭ କରିଥିଲା। ଆଜି ଅଶୋକ ନିବାସ ନିକଟ ଜଙ୍ଗଲରେ ମୃତଦେହ ଥିବା ଖବର ମିଳିବା ସହିତ ପୋଲିସ ଘଟଣାସ୍ଥଳରେ ପହଞ୍ଚି ଦେହଟି ଜବତ କରିଥିଲା। ପରିବାର ଲୋକ ମୃତଦେହ ଚିହ୍ନଟ କରି ନାବାଳିକା ମୃତ୍ୟୁ ନେଇ ଅନେକ ପ୍ରଶ୍ନ ଉଠାଇଛନ୍ତି।
ଏହି ଘଟଣା ହତ୍ୟା ନା କି ଅନ୍ୟ କୌଣସି ଅପରାଧ ସହିତ ଜଡ଼ିତ? ପୋଲିସ ଏକ ଯୁବକଙ୍କୁ ଅଟକ ରଖି ନିରନ୍ତର ପଚରାଉଚରା କରୁଛି। ମୃତଦେହକୁ ବ୍ୟବଚ୍ଛେଦ ପାଇଁ ବୁର୍ଲା ଡାକ୍ତରଖାନା ମର୍ଗ ରେଖାଯାଇଛି ଏବଂ ସୋମବାର ପୋଷ୍ଟମର୍ଟେମ ପରେ ମୃତ୍ୟୁର ପ୍ରକୃତ କାରଣ ପ୍ରକାଶ ପାଇବ।
ଏସଡିପିଓ ପଦାରବିନ୍ଦ ତ୍ରିପାଠୀ ଏବଂ ଟାଉନ ଥାନା ଆଇଆଇସି ସତ୍ୟଜିତ୍ କଣ୍ଡାନକେଲ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି। ଅଧିକାରୀମାନେ ଏହି ମାମଲାକୁ ଗମ୍ଭୀର ଭାବେ ନେଇ ତଦନ୍ତ ଚଳାଇଥିବା ବେଳେ ପରିବାର ଏବଂ ସ୍ଥାନୀୟ ଲୋକ ଦୋଷୀଙ୍କ ବିରୋଧରେ କଡ଼ା ପଦକ୍ଷେପ ନେବାକୁ ଦାବି କରିଛନ୍ତି।
ଏହି ଘଟଣା ଅନ୍ୟ କୌଣସି ଅପରାଧ ସହିତ ଜଡ଼ିତ କି? ନାବାଳିକାଙ୍କୁ କାହିଁକି ଏପରି ଯନ୍ତ୍ରଣାମୟ ମୃତ୍ୟୁ ଭୋଗିବାକୁ ପଡ଼ିଲା? ଦୋଷୀ ଦଣ୍ଡିତ ହେବେ କି? ପୋଷ୍ଟମର୍ଟେମ ରିପୋର୍ଟ ଏବଂ ପୋଲିସ ତଦନ୍ତ ପରେ ଏହି ପ୍ରଶ୍ନମାନଙ୍କ ଉତ୍ତର ମିଳିପାରେ।
