ସଂସଦର ଉଭୟ ଗୃହରେ ଏହି ସମସ୍ୟାଗୁଡ଼ିକ ଉପରେ ଗରମାଗରମ ଚର୍ଚ୍ଚା ହେବା ନିଶ୍ଚିତ। ଖାସକରି, ମଣିପୁରରେ ରାଷ୍ଟ୍ରପତି ଶାସନ ଲାଗୁ ହେବା ପରେ ସେଠାର ବଜେଟ ଉପସ୍ଥାପନ ଏବଂ ଅନ୍ୟାନ୍ୟ ଆବଶ୍ୟକ ବିଲ୍ ନେଇ ନେଇ ହଟ୍ଟଗୋଳ ହେବା ଉପେକ୍ଷିତ। ସ୍ବରାଷ୍ଟ୍ର ମନ୍ତ୍ରୀ ଅମିତ୍ ଶାହା ଏହି ବିଷୟରେ ବୈଧାନିକ ପ୍ରସ୍ତାବ ଦେବାର ଆଶା ରହିଛି।
ଅନ୍ୟପକ୍ଷରେ, ସରକାର ବଜେଟ ପ୍ରକ୍ରିୟାକୁ ସଂପୂର୍ଣ୍ଣ କରିବା, ମଣିପୁର ବଜେଟ ପାଇଁ ଅନୁମୋଦନ ନେବା ଏବଂ ଅନ୍ୟାନ୍ୟ ଅର୍ଥନୀତିକ ଦୃଷ୍ଟିକୋଣରେ ଗୁରୁତ୍ୱପୂର୍ଣ୍ଣ ବିଲ୍ ଅନୁମୋଦନ କରିବା ଉପରେ ଗୁରୁତ୍ୱ ଦେବ। ଅର୍ଥମନ୍ତ୍ରୀ ନିର୍ମଳା ସୀତାରମଣ ସୋମବାର ମଣିପୁର ପାଇଁ ବଜେଟ ଉପସ୍ଥାପନ କରିବେ।
ପଶ୍ଚିମବଙ୍ଗରେ ଭୋଟର ତାଲିକା ସମ୍ପର୍କିତ ଅଭିଯୋଗ ଉପରେ ନିର୍ବାଚନ କମିଶନ ବି ସ୍ପଷ୍ଟକରଣ ଦେଇଛି। ମୁଖ୍ୟମନ୍ତ୍ରୀ ମମତା ବାନାର୍ଜୀ ଅଭିଯୋଗ କରିଛନ୍ତି ଯେ, ଅନ୍ୟ ରାଜ୍ୟର ଭୋଟରମାନେ ମତଦାନ କରିପାରିବା ଲାଗି ଡୁପ୍ଲିକେଟ୍ ଭୋଟ ପରିଚୟ ପତ୍ର ଜାରି ହୋଇଛି। ଏହି ମୁଦ୍ଦାକୁ ତୃଣମୂଳ, କଂଗ୍ରେସ, ଡିଏମ୍କେ ଏବଂ ଶିବସେନା-ୟୁବିଟି ଉଭୟ ଗୃହରେ ଉଠାଇବାକୁ ନିଷ୍ପତ୍ତି ନେଇଛନ୍ତି। ଏହା ନେଇ ରାଜନୈତିକ ଅଞ୍ଚଳରେ ଚର୍ଚ୍ଚା ତେଜ ହୋଇଛି।
ଏହି ଅଧିବେଶନ ରାଜନୈତିକ ଦୃଷ୍ଟିରୁ ଏକ ଅତ୍ୟନ୍ତ ଜ୍ୱଳନଶୀଳ ଅଂଶ ହେବ ବୋଲି ଅନୁମାନ କରାଯାଉଛି।
