ମୁଖ୍ୟମନ୍ତ୍ରୀ ଭବାନୀପାଟଣା ସଭା ପଡିଆ ନିକଟକୁ ପହଞ୍ଚିବାର ଅଗରୁ ଜିଲା ଯୁବ କଂଗ୍ରେସ ସଭାପତି ମହମ୍ମଦ ସାହେବ ଓ ଅନ୍ୟ କିଛି କାର୍ଯ୍ୟକର୍ତ୍ତା କଳା ପତାକା ପ୍ରଦର୍ଶନ କରି ବିରୋଧ କରିଥିଲେ। ଏହାକୁ ଦୃଷ୍ଟିରେ ରଖି ପୋଲିସ ସେମାନଙ୍କୁ ତୁରନ୍ତ କାବୁ କରି ଗିରଫ କରିଥିଲା ଏବଂ ପରେ ରିଜର୍ଭ ଗାର୍ଡକୁ ନେଇଯାଇଥିଲା।
ଏହି ଅଭିଯାନ ନେଇ ଜିଲା ଯୁବ କଂଗ୍ରେସ ସଭାପତି ମହମ୍ମଦ ସାହେବ କହିଛନ୍ତି, “ମହିଳାଙ୍କ ସୁରକ୍ଷା ପ୍ରସଙ୍ଗ ନେଇ ଆମେ ସରକାରକୁ ପ୍ରଶ୍ନ କରିବାକୁ ଆସିଥିଲୁ। ବିଧାନସଭାରେ ଘଟିଥିବା ଘଟଣାର ବିରୋଧ କରିବା ପାଇଁ ଆମେ ଆସିଥିଲୁ, କିନ୍ତୁ ପୋଲିସ ଆମକୁ ଉଠାଇ ନେଲା।”ପୋଲିସର ପକ୍ଷରୁ ଏବେ ପର୍ଯ୍ୟନ୍ତ କୌଣସି ସ୍ପଷ୍ଟ ମତାମତ ଆସିନାହିଁ, କିନ୍ତୁ ଏହି ଘଟଣା ନେଇ ରାଜନୈତିକ ଅଂଚଳରେ ଚର୍ଚ୍ଚା ଚଳିଛି।
