ସୂଚନା ଅନୁଯାୟୀ, ରାଇରଙ୍ଗପୁରର ଏହି ମହିଳା ବର୍ଷଗଣନା ଧରି ମାତୃତ୍ବ ସୁଖରୁ ବଞ୍ଚିତ ଥିଲେ। ଅନେକ ପ୍ରୟାସ କରିଲେ ମଧ୍ୟ ସଫଳତା ମିଳିନଥିଲା। ଏମିତି ସମୟରେ ସେ ଆଇଭିଏଫ୍ (IVF) ପଦ୍ଧତି ବିଷୟରେ ଜାଣି ଭୁବନେଶ୍ବର ହାଇ-ଟେକ୍ ମେଡିକାଲ୍ ହସ୍ପିଟାଲରେ ଡା. ନିରାମୟ ମଢ଼ୁଆଳଙ୍କ ତତ୍ତ୍ବାବଧାନରେ ଚିକିତ୍ସା ନେଇଥିଲେ। ଚିକିତ୍ସା ପ୍ରକ୍ରିୟା ଏବଂ ଚେଷ୍ଟା ଶେଷରେ, ଏହି ମହିଳା ଏକ କନ୍ୟା ଏବଂ ଦୁଇ ପୁତ୍ର ସନ୍ତାନଙ୍କୁ ଜନ୍ମ ଦେଇଥିଲେ।
ସଫଳ ଅସ୍ତ୍ରୋପଚାର ଓ ମାତୃତ୍ବର ଖବର ଶୁଣି ସେ ଅତ୍ୟନ୍ତ ଆନନ୍ଦିତ। ଜନ୍ମ ନେଇଥିବା ଶିଶୁମାନେ ସ୍ୱସ୍ଥ ଅଛନ୍ତି ଏବଂ ଡାକ୍ତରମାନଙ୍କ ତତ୍ତ୍ବାବଧାନରେ ଅଛନ୍ତି।
ଏହି ଅଭିନବ ଚିକିତ୍ସା ପଦ୍ଧତି ଏବଂ ସଫଳତା ଆଗାମୀ ଦିନରେ ଅନ୍ୟ ନିସନ୍ତାନ ଦମ୍ପତୀଙ୍କ ପାଇଁ ଆଶାର ଆଲୋକ ହେବାର ଆଶା ରହିଛି।
