ତାମିଲନାଡୁରେ ଭାଷା ବିବାଦ ତିବ୍ର: ବଜେଟ ରୁ ହଟାଇଦେଲେ" ₹ " ପ୍ରତୀକ

ଚେନ୍ନାଇ, ୧୩ /୩ : ତାମିଲନାଡୁରେ ଭାଷା ବିବାଦ ଦିନକୁ ଦିନ ତିବ୍ର ରୂପ ଧାରଣ କରୁଥିବା ବେଳେ, ଷ୍ଟାଲିନ ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ରାଜ୍ୟର ବଜେଟ ଦଖଳରେ ସରକାର ଟଙ୍କାର ପ୍ରତୀକକୁ ହଟାଇ ତାହାର ସ୍ଥାନରେ ‘ரூ’ ରଖିଛି। ଏହା ଭାରତରେ ଏପରି ପ୍ରଥମ ଉଦାହରଣ ଯେଉଁଠି ଏକ ରାଜ୍ୟ ନିଜେ ଏମିତି ପଦକ୍ଷେପ ନେଇଛି।

ଏହି ନୂତନ ପଦକ୍ଷେପ ଏଭଳି ସମୟରେ ଆସିଛି ଯେତେବେଳେ ହିନ୍ଦୀ ଭାଷା ବ୍ୟବହାରକୁ ନେଇ ତାମିଲନାଡୁରେ ଉତ୍ତେଜନା ଚାଲିଛି। ମୁଖ୍ୟମନ୍ତ୍ରୀ ଷ୍ଟାଲିନ ପୂର୍ବରୁ ସମାଜିକ ମାଧ୍ୟମରେ ଏକ ବାର୍ତ୍ତା ଦେଇ ହିନ୍ଦୀର ଅଧିକାରିକ ଲାଗୂ ଭାରତୀୟ ଭାଷାଗୁଡ଼ିକୁ ବିଲୁପ୍ତ କରୁଥିବା ଅଭିଯୋଗ କରିଥିଲେ। ସେ କହିଥିଲେ ଯେ, ଏକ ସମୟରେ ବିହାର ଏବଂ ଉତ୍ତର ପ୍ରଦେଶ ହିନ୍ଦୀ ଭାଷାକୁ ମୂଖ୍ୟ ଭାବେ ବ୍ୟବହାର କରୁଥିଲା ନାହିଁ, କିନ୍ତୁ ଏବେ ଅଞ୍ଚଳୀୟ ଭାଷାଗୁଡ଼ିକ ଅତୀତର ଅଂଶ ହୋଇ ରହିଛି

ତାମିଲନାଡୁ ସରକାରଙ୍କ ଏହି ପଦକ୍ଷେପ କେନ୍ଦ୍ର ସରକାରଙ୍କ ନୂତନ ଶିକ୍ଷା ନୀତି (NEP 2020) ପ୍ରତି ଏକ ଜବାବ ବୋଲି ମନ୍ୟଯାଉଛି। ଏହି ନୀତି ଅନୁଯାୟୀ, ଛାତ୍ରଛାତ୍ରୀମାନେ ତିନୋଟି ଭାଷା ଶିଖିବା ଉଚିତ, ଯେଉଁଥିରେ ଅନ୍ୟତମ ଦୁଇଟି ଭାରତୀୟ ଭାଷା ରହିବ। ଷ୍ଟାଲିନ ସରକାର ଏହାକୁ ‘ଭଗ୍ବା ନୀତି’ ଅଭିଯୋଗ କରିବା ସହ ତାହା ଲାଗୁ କରିବାରେ ଅସ୍ବୀକାର କରିଥିଲେ।

ତାମିଲନାଡୁ ସରକାରଙ୍କ ଏହି ନୀତିବିରୋଧୀ ଅଭିସ୍ଥାନ ପରେ କେନ୍ଦ୍ର ସରକାର ତାମିଲନାଡୁ ପାଇଁ ମିଳିବାକୁ ଥିବା ୫୭୩ କୋଟି ଟଙ୍କାର ସମଗ୍ର ଶିକ୍ଷା ଅଭିଯାନ ଅନୁଦାନ ରୋକି ଦେଇଥିଲା। ଏହି ନୀତିକୁ ନେଇ ରାଜ୍ୟ ସରକାର ଏବଂ କେନ୍ଦ୍ର ମଧ୍ୟରେ ଅସନ୍ତୋଷ ବୃଦ୍ଧି ପାଇଛି।

ତେବେ ଏହି ପଦକ୍ଷେପ ତାମିଲ ଭାଷା ରକ୍ଷା ନାମରେ ନିଆଯାଇଛି କି, ନା ଏହା ରାଜନୈତିକ ମୁଦ୍ଦା ଭାବେ ବ୍ୟବହାର କରାଯାଇଛି, ସେଥି ପାଇଁ ଅନେକ ପ୍ରଶ୍ନ ଉଠିଛି।