ସମ୍ପୂର୍ଣ୍ଣ ରିପୋର୍ଟ ଅନୁଯାୟୀ, ରାଜ୍ୟରେ ଭାଜପା ସରକାର ଆସିଥିବା ସମୟରୁ ଦଳିତ ଏବଂ ଆଦିବାସୀମାନଙ୍କ ଉପରେ ଅନ୍ୟାୟ ବୃଦ୍ଧି ପାଇଛି। ଏହି ଅପରାଧ ଏବଂ ଅନ୍ୟାୟକୁ ଅଟକାଇବା ପାଇଁ ଏବଂ ଦୋଷୀମାନଙ୍କ ଉପରେ କଡ଼ା ଆଇନି କାର୍ଯ୍ୟାନୁଷ୍ଠାନ ନେବାକୁ ଏହି ସଂଗଠନ ଦାବି କରିଛି।
1. ଜାଜପୁର ଜିଲା ସାହାସପୁରର ଶୁକଦେବ ଦାସଙ୍କ ହତ୍ୟାରେ ଜଡିତ ଚାଉମିନ ମାଲିକ ଏବଂ ତାଙ୍କ ସହଯୋଗୀଙ୍କୁ ତୁରନ୍ତ ଗିରଫ କରାଯାଉ।
2. କୋରାପୁଟ ଜିଲା ଲକ୍ଷ୍ମୀପୁର ବ୍ଲକରେ ଆଦିବାସୀ ନାବାଳିକାଙ୍କୁ ବଳାତ୍କାର କରିଥିବା ଅଭିଯୁକ୍ତଙ୍କୁ ଶୀଘ୍ର ଗିରଫ କରାଯାଉ।
3. ଭବାନୀପାଟଣା ବିଶ୍ୱବିଦ୍ୟାଳୟ ହଷ୍ଟେଲରେ ପ୍ରଥମ ବର୍ଷ ଦଳିତ ଛାତ୍ରୀଙ୍କ ଅସନ୍ଦିଗ୍ଧ ମୃତ୍ୟୁକୁ ନିରପେକ୍ଷ ତଦନ୍ତ କରି ଦୋଷୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ।
4. ଭୁବନେଶ୍ୱର କିଟ୍ ବିଶ୍ୱବିଦ୍ୟାଳୟରେ ଆଦିବାସୀ ଛାତ୍ରଛାତ୍ରୀଙ୍କୁ ହେଉଥିବା ଅତ୍ୟାଚାର ଉପରେ ନିରପେକ୍ଷ ତଦନ୍ତ କରାଯାଉ।
5. ଆଇଏଏସ୍ ବିଷ୍ଣୁପଦ ସେଠୀଙ୍କୁ ତାଙ୍କ ବୈଧାନିକ ପ୍ରାପ୍ୟ ଅନୁଯାୟୀ ଅତିରିକ୍ତ ମୁଖ୍ୟ ଶାସନ ସଚିବ ପଦବୀ ପ୍ରଦାନ କରି ଚାକିରିରେ ଅବସ୍ଥାପିତ କରାଯାଉ।
6. କଟକ ଜିଲା ଖୁଣ୍ଟିଆରରେ ଜଣେ ଦଳିତ ନାବାଳକଙ୍କ ହତ୍ୟାକାରୀଙ୍କୁ କଠୋର ଦଣ୍ଡ ଦିଆଯାଉ।
ଏହି ଦାବିପତ୍ର ପ୍ରଦାନ ସମୟରେ ଜିଲା ଡମ ଗଣ୍ଡା ସମାଜର ସଭାପତି ହରିକେଶ ଜାଲ, ଅବସରପ୍ରାପ୍ତ ପ୍ରଶାସନିକ ଅଧିକାରୀ ବାସୁଦେବ ସୁନାନୀ, ଖୁଟୁରାମ ସୁନାନୀ, ଛବି ସାଗର, ବିଜୟ ନାରାୟଣ ଦାସ, ଧମନ ସିଂ ସୁନା, ଚନ୍ଦନ ବଘେଲ ଏବଂ ଅନ୍ୟ ଅନେକ ଆଗୁଆ କର୍ମର୍ତ୍ତୋ ଉପସ୍ଥିତ ଥିଲେ।
ଡମ ଗଣ୍ଡା ସମାଜର ନେତାମାନେ କହିଛନ୍ତି ଯଦି ଦଳିତ ଏବଂ ଆଦିବାସୀମାନଙ୍କ ଉପରେ ଚାଲିଥିବା ଅନ୍ୟାୟ ଅତ୍ୟାଚାର ଅବିଳମ୍ବେ ବନ୍ଦ ନହୋଇ, ଦୋଷୀମାନଙ୍କୁ ଶୀଘ୍ର ଦଣ୍ଡବିଧାନ ନକରାଯାଏ, ତେବେ ସେମାନେ ବଡ଼ସଡ଼ ଆନ୍ଦୋଳନରେ ନମିବେ।
ସରକାର କିପରି ପ୍ରତିକ୍ରିୟା ଦେଉଛି ଏହି ଦାବିପତ୍ର ଉପରେ, ଏହା ଏବେ ଦେଖିବାକୁ ବାକି।
