ରତ୍ନଭଣ୍ଡାର ଚାବି ହଜିବା ଘଟଣାର ତଦନ୍ତ କରିଥିଲେ ଜଷ୍ଟିସ୍ ରଘୁବର ଦାସ କମିଶନ। ତଦନ୍ତ ଶେଷ ହେବାପରେ ସେ ରିପୋର୍ଟ ରାଜ୍ୟ ସରକାରଙ୍କୁ ଦେଇଥିଲେ। କିନ୍ତୁ ଏହି ରିପୋର୍ଟ ସାର୍ବଜନୀନ ହେଉ କି ନାହିଁ, ଏନେଇ ହାଇକୋର୍ଟରେ ଆବେଦନ ଦାଖଲ ହୋଇଥିଲା।
ପୁରୀର ଦିଲୀପ ବରାଳ ଏହି ଘଟଣା ସମ୍ପର୍କିତ ତଥ୍ୟ ଜନସାଧାରଣଙ୍କ ସାମ୍ନାରେ ଆଣିବାକୁ ହାଇକୋର୍ଟରେ ଆବେଦନ କରିଥିଲେ। କେଉଁମାନେ ଏହି ଘଟଣାରେ ସମ୍ପୃକ୍ତ, ଚାବି କିପରି ହଜିଲା ଏବଂ ପୁଣି ମିଳିଗଲା, ରତ୍ନଭଣ୍ଡାରର ଧନ-ଧାନ୍ୟ ସୁରକ୍ଷିତ ଅଛି କି ନାହିଁ - ଏସବୁ ଜାଣିବା ରାଜ୍ୟବାସୀଙ୍କ ଅଧିକାର।ରାଜ୍ୟ ସରକାର ଏହି ଘଟଣା ନେଇ ରିପୋର୍ଟ କ୍ୟାବିନେଟ୍ରେ ଉପସ୍ଥାପନ କରିବାକୁ ଯୋଜନା କରୁଛି। ତେଣୁ ହାଇକୋର୍ଟ କଣ ନୂତନ ଆଦେଶ ଦେବ, ଏଥିପାଇଁ ସମସ୍ତଙ୍କ ଦୃଷ୍ଟି ଟଙ୍କିଛି।
