ଦିଗପହଣ୍ଡିରେ ଚୋରା ବିଦେଶୀ ମଦ ବିକ୍ରି: ଜଣେ ଗିରଫ, ଜେଲ ହାଜତକୁ ପାଠାଗଲେ

ଦିଗପହଣ୍ଡି, ୪/୦୩: ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକର ବି.ତୁରୁବୁଡି ପଞ୍ଚାୟତ ଅନ୍ତର୍ଗତ ପିଲିକାଢିଅ ଗ୍ରାମର ବାରିକ ମଲ୍ଲିକଙ୍କୁ ଚୋରା ବିଦେଶୀ ମଦ ବିକ୍ରି ଅଭିଯୋଗରେ ଗିରଫ କରାଯାଇଛି। ଅବକାରୀ ବିଭାଗର ଦିଗପହଣ୍ଡି ଏସ୍‌ଆଇ ଅନିତା ପ୍ରଧାନ ତାଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ। ଅଭିଯୁକ୍ତଙ୍କ ଜାମିନ ଆବେଦନ ନାମଞ୍ଜୁର ହୋଇଥିବାରୁ ତାଙ୍କୁ ଦିଗପହଣ୍ଡି ସବ୍‌-ଜେଲକୁ ପଠାଯାଇଛି।ମଙ୍ଗଳବାର ମଧ୍ୟାହ୍ନ ଅବକାରୀ ବିଭାଗ ସଦଳବଳେ ଚୋରା ମଦ ଧରପକଡ ଅଭିଯାନ ଚଲାଇଥିବା ବେଳେ, ପିଲିକାଢିଅ ଗାଁ ରାସ୍ତାରେ ବାରିକ ମଲ୍ଲିକଙ୍କୁ ଜଣେ ସନ୍ଦେହଜନକ ଭାବରେ ଏକ ବ୍ୟାଗ ନେଇ ଠିଆ ରହିଥିବା ଦେଖି ଅଟକାଯାଇଥିଲେ। ଯାଞ୍ଚକାଳୀନ, ତାଙ୍କ ବ୍ୟାଗରୁ ୨୯ଟି ବିଦେଶୀ ମଦର ବୋତଲ ଜବତ ହୋଇଛି। ଅଭିଯୁକ୍ତ ବିନା ଲାଇସେନ୍ସ ଗ୍ରାମରେ ବିଦେଶୀ ମଦ ବିକ୍ରି କରୁଥିବା ସ୍ୱୀକାର କରିଛନ୍ତି।

ଅବକାରୀ ବିଭାଗ ମାମଲା ନଂ. ୨୧୮/୨୪-୨୫ ଅନୁଯାୟୀ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରି ଅଗରୁ ତଦନ୍ତ ଜାରି ରଖିଛି। ଏହି ଅଭିଯାନର ନେତୃତ୍ୱ କରୁଥିବା ଅବକାରୀ ଏସ୍‌ଆଇ ଅନିତା ପ୍ରଧାନ ଟିମ୍‌ରେ ଏକାଧିକ ଅଫିସର ଏବଂ ଅବକାରୀ କର୍ମଚାରୀ ଅନ୍ତର୍ଭୁକ୍ତ ଥିଲେ।