ଘଟଣା ପାଟଣା ରେଞ୍ଜର ଖିରେଇଟାଙ୍ଗିରୀ ସେକ୍ସନ ଅନ୍ତର୍ଗତ କଣ୍ଟିଆପଡ଼ା ଗ୍ରାମରେ ଘଟିଥିବା ସୂଚନା ମିଳିଛି। ଏଥିରେ ସିପୁନ ବେହେରା ନାମକ ଯୁବକ ଜଡିତ ଥିବା ଡିଏଫ୍ଓ ସ୍ୱୟଂ ଘୋଷଣା କରିଛନ୍ତି। ଏହି ଯୁବକ ଏବେ ଫେରାର ଥିବାରୁ, ବନ ବିଭାଗ ତାଙ୍କୁ ଧରିବା ପାଇଁ ଅଭିଯାନ ଜୋରଦାର କରିଛି।
କେନ୍ଦୁଝରରେ ହାତୀ ଉପଦ୍ରବ ଦୀର୍ଘଦିନ ଧରି ଚଲିଆସୁଥିବା ବେଳେ, କିଛି ଅସଚେତନ ମଣିଷ ହାତୀମାନଙ୍କୁ ଆକ୍ରମଣ କରି ଅବସ୍ଥାକୁ ଆଉ ବିସ୍ତରିତ କରୁଛନ୍ତି। ଅନେକ ସମୟରେ ହାତୀପଲ ଉପରେ ନିଆଁ ହୁଳା, ପଥର ମାରିବା, ଠେଙ୍ଗା ଦ୍ୱାରା ପିଟିବା ଭଳି ଘଟଣା ଘଟିଥାଏ। ଏପରି ଅସମ୍ବେଦନଶୀଳ କାର୍ଯ୍ୟକଳାପ ହାତୀମାନଙ୍କୁ ଅଧିକ ଉତ୍ତେଜିତ ଏବଂ ଆକ୍ରମଣାତ୍ମକ କରୁଛି।
ଏହି ନିର୍ମମ ଦୃଶ୍ୟ ନାକମାତ୍ର ସାଧାରଣ ଜନମାନଙ୍କୁ ଆତଙ୍କିତ କରୁଛି, ବରଂ ଏକ ନୂଆ ଟ୍ରେଣ୍ଡ ଭାବରେ ସୋସିଆଲ ମିଡିଆରେ ଏଭଳି ଘଟଣା ଅପଲୋଡ୍ କରାଯାଉଛି। ୧୦ରୁ ଅଧିକ ସାମାଜିକ ମିଡିଆ ଆକାଉଣ୍ଟରେ ଏଭଳି ଭିଡିଓ ଉପଲବ୍ଧ ରହିଥିବା ବାବଦରେ ଅନେକ ଅଭିଯୋଗ ଥିଲେ ମଧ୍ୟ ବନ ବିଭାଗ ପଦକ୍ଷେପ ନେଇପାରିନାହିଁ
ବନ ବିଭାଗ ପକ୍ଷରୁ ହାତୀ ଓ ବନ୍ୟଜନ୍ତୁ ରକ୍ଷା ପାଇଁ ଦିନ ରାତି ଟ୍ରାକିଂ, ମନିଟରିଂ, ଏବଂ ଅତ୍ୟାଧୁନିକ ବୈଷୟିକ ଉପକରଣ ବ୍ୟବହାର କରାଯାଉଛି। କିନ୍ତୁ ଏହି ପ୍ରକାର ଅପରାଧ ନିୟନ୍ତ୍ରଣ କରିବାରେ ବନ ବିଭାଗ କର୍ମଚାରୀଙ୍କ ଅସମର୍ଥତା ନେଇ ଅନେକ ସନ୍ଦେହ ଉପଜିଛି।
ଏହି ଘଟଣାରୁ ଏକ ଚିନ୍ତାଜନକ ପରିସ୍ଥିତି ସୃଷ୍ଟି ହୋଇଛି, ଏବଂ ପୂର୍ବତନ ବନ୍ୟପ୍ରାଣୀ ତତ୍ତ୍ୱାବଧାରକ ଶୁଭେନ୍ଦୁ ମଲ୍ଲିକ ଏହାକୁ ନେଇ ଚିନ୍ତା ବ୍ୟକ୍ତ କରି ଦୃଢ଼ ଆଇନି ପଦକ୍ଷେପ ନେବାକୁ ଜରୁରୀ ଥିବା କହିଛନ୍ତି।
ଏହି ଘଟଣା କେବଳ କେନ୍ଦୁଝର ପାଇଁ ନୁହେଁ, ସମଗ୍ର ରାଜ୍ୟର ବନ୍ୟପ୍ରାଣୀ ସୁରକ୍ଷା ପ୍ରଣାଳୀ ଉପରେ ଏକ ଗଭୀର ପ୍ରଶ୍ନ ଉଠାଇଛି। ଏବେ ଦେଖିବାକୁ ହେବ, ବନ ବିଭାଗ କିପରି ଏହି ଅଭିଯୁକ୍ତଙ୍କୁ ଗିରଫ କରିବ ଏବଂ ଏପରି ଘଟଣା ରୋକିବା ପାଇଁ କଣ ନୂଆ ନୀତି ଗ୍ରହଣ କରିବ।
