ରାଜା ଚକ୍ରଙ୍କ ବିରୋଧରେ ୧୮୫ କୋଟି ଟଙ୍କା ଅର୍ଥ ହେରଫେର ଅଭିଯୋଗ ରହିଥିଲା। ଗନ୍ଧମାର୍ଦ୍ଦନ ଖଣି ସଂପର୍କିତ ଏହି ଅନିୟମିତତା ମାମଲାରେ ଅଭିଯୁକ୍ତମାନେ ଏକ ବୃହତ୍ ଅର୍ଥ ହେରଫେର ଚକ୍ର ଚଲାଇଥିବା ଅଭିଯୋଗ ରହିଛି। ଏହାର ତଦନ୍ତ ପରେ ଜଣାପଡ଼ିଛି ଯେ, ଏମାନେ ଶ୍ରମିକ ଖର୍ଚ୍ଚ, ଇପିଏଫ୍, ଓ ସ୍ଥାନୀୟ ଜନସମୁଦାୟ ପାଇଁ ରଖିଥିବା ଟଙ୍କା ନଜାୟଜ ଭାବରେ ବ୍ୟବହାର କରିଥିଲେ।
ହାଇକୋର୍ଟ ଏହି ମାମଲାର ଶୁଣାଣି କରି ରାଜା ଚକ୍ରଙ୍କ ଏବଂ ତାଙ୍କ ସହଯୋଗୀମାନଙ୍କ ଆଗୁଆ ଜାମିନ ଆବେଦନ ଖାରଜ କରିଥିଲା। ଏହି ଦିଗରେ ଏକ ଗଭୀର ତଦନ୍ତ ଚାଲିଛି, ଏବଂ ଅଧିକ ଅଭିଯୁକ୍ତଙ୍କ ଗିରଫ ହେବାର ସମ୍ଭାବନା ରହିଛି।ଏହି ମାମଲା ବିଜେଡିରେ ଅସନ୍ତୋଷ ସୃଷ୍ଟି କରିଥିବା ସୂଚନା ମିଳିଛି। ଏବେ ଦେଖିବାକୁ ଅଛି, ଏହି ଘୋଟାଲା ରାଜନୈତିକ ଭାବେ କିପରି ପ୍ରଭାବ ପକାଏ।
