ଡୋନାଲ୍ଡ ଟ୍ରମ୍ପ ପୂର୍ବରୁ ମଧ୍ୟ କାନାଡାକୁ ଆମେରିକାର ୫୧ତମ ରାଜ୍ୟ କରିବା ନେଇ ପ୍ରସ୍ତାବ ରଖିଥିଲେ, ଯାହାକୁ କାନାଡା ସ୍ପଷ୍ଟ ଭାବେ ପ୍ରତ୍ୟାଖ୍ୟାନ କରିଛି। ଏହି ପରିସ୍ଥିତିରେ, କାନାଡାର ରାଷ୍ଟ୍ରମୁଖ୍ୟ ରାଜା ଚାଲର୍ସ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଦେଇନାହାଁନ୍ତି।
ମଙ୍ଗଳବାର, କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ରାଜା ଚାଲର୍ସ ତୃତୀୟଙ୍କ ସହ ଏକ ଗୁରୁତ୍ୱପୂର୍ଣ୍ଣ ବୈଠକ କରିଥିଲେ। ସେ ଏହି ଦେଖାସିଏସି ପରେ ସୋସିଆଲ ମିଡିଆରେ ତାଙ୍କ ଫଟୋ ଶେୟାର କରି, କାନାଡାର ସାର୍ବଭୌମତ୍ୱ ଏବଂ ଭବିଷ୍ୟତ ନେଇ ଆଲୋଚନା ହୋଇଥିବା କଥା ଉଲ୍ଲେଖ କରିଛନ୍ତି।
କାନାଡା ଏବଂ ମେକ୍ସିକୋରୁ ଆମେରିକାରେ ଆସୁଥିବା ପ୍ରମୁଖ ଉତ୍ପାଦ ଉପରେ ଟ୍ରମ୍ପ ୨୫% ଟାରିଫ୍ ଲାଗୁ କରିବାକୁ ପ୍ରସ୍ତୁତ। ଏହାକୁ ନେଇ କାନାଡା ବିପରୀତ ପଦକ୍ଷେପ ନେଇପାରେ। ଟ୍ରୁଡୋ ଘୋଷଣା କରିଛନ୍ତି, ଯଦି ଟ୍ରମ୍ପ ପ୍ରଶାସନ ଏହି ନୀତିକୁ ଅଗ୍ରଗତି କରାଇ, ତେବେ କାନାଡା ୩୦ ବିଲିୟନ କାନାଡିଆନ୍ ଡଲାର ମୂଲ୍ୟର ଆମେରିକୀୟ ସାମଗ୍ରୀ ଉପରେ ୨୫% ଟାରିଫ୍ ଲାଗୁ କରିବ। ଏହି ପ୍ରତିଶୋଧମୂଳକ ଟାରିଫ୍ ୨୧ ଦିନ ମଧ୍ୟରେ ଲାଗୁ କରାଯିବ।
ଟ୍ରମ୍ପର ଏହି ନୂଆ ତଥାକଥିତ "ଆମେରିକା ଫର୍ଷ୍ଟ" ନୀତି କାନାଡା ସହିତ ଅନ୍ତର୍ଜାତୀୟ ବଣିଜ୍ୟ ସମ୍ପର୍କକୁ ଚ୍ୟାଲେଞ୍ଜର ମୁହଁମୁହିଁ କରିପାରେ। ଏହି ଟାରିଫ୍ ଯୁଦ୍ଧ ଆମେରିକା-କାନାଡା ମଧ୍ୟରେ ଆର୍ଥିକ ଚାପ ସୃଷ୍ଟି କରିପାରେ।ଏବେ ଦେଖିବାକୁ ହେବ, ଟ୍ରମ୍ପର ଏହି ଚାଲ କାନାଡା ସହିତ ବିଶ୍ୱ ବଣିଜ୍ୟ ସମ୍ପର୍କରେ କିପରି ପ୍ରଭାବ ପକାଇବ।
