ଘଟଣା ସମ୍ପର୍କରେ ଖବର ମିଳିବା ସହିତ କୋଟପାଡ଼ ଅଗ୍ନିଶମ ବିଭାଗ ଏବଂ ପୋଲିସ ଦଳ ତୁରନ୍ତ ପହଞ୍ଚି ଖୋଜଖବର ଅଭିଯାନ ଆରମ୍ଭ କରିଛନ୍ତି। ଶନିବାର ହୋଲି ପାଳନ କରି ଅପରାହ୍ନରେ ଗୁଲମୀ ପହଞ୍ଚିଥିବା ଏହି ଦୁଇ ଯୁବକ ଜଳସ୍ରୋତର ଗଭୀରତା ଅନୁମାନ କରିପାରିନଥିଲେ। ଏହି ଯୁବକମାନଙ୍କ ନାଁ ହେଉଛି ରୋହନ କୋଶ୍ଚପ (୨୧) ଓ ଗୌରବ ବାଗେଲ (୨୦)।
କୋଟପାଡ଼ ତଥା ଆସପାସର ନଦୀ ଏବଂ ଗଭୀର ପୋଖରୀ ବିଷୟରେ ଅଗ୍ନିଶମ ବିଭାଗ ପୂର୍ବରୁ ବାରମ୍ବାର ସଚେତନତା ଘୋଷଣା କରିଥିଲେ। ତଥାପି ଅସାବଧାନତା ଏବଂ ଆବେଗରେ ଏହି ଦୁଃଖଦ ଘଟଣା ଘଟିଛି। ଘଟଣା ପରେ ରୋହନଙ୍କ ପିତା କୋଟପାଡ଼ ଥାନାରେ ଅଭିଯୋଗ ଦାଖଲ କରିଛନ୍ତି
ଏହି ଅପ୍ରତ୍ୟାଶିତ ଦୁଃଖଦ ଘଟଣାରେ ଉଭୟ ପରିବାର ଅସହାୟ ଅବସ୍ଥାରେ ଅଛନ୍ତି। ଏପର୍ଯ୍ୟନ୍ତ ପୋଲିସ ଏବଂ ଅଗ୍ନିଶମ ବିଭାଗ ହଜାରେ ଅଧିକ ଚେଷ୍ଟା କରି ଯୁବକମାନଙ୍କ ଖୋଜ ଜାରି ରଖିଛନ୍ତି। ଏହି ଘଟଣା ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଛି।
