ଶ୍ରୀମନ୍ଦିର ପ୍ରଶାସନ ପକ୍ଷରୁ ଏହି ଦିଗରେ ଦ୍ରୁତ ପଦକ୍ଷେପ ଗ୍ରହଣ କରାଯାଇଛି। ମୁଖ୍ୟ ପ୍ରଶାସକ ଡ. ଅରବିନ୍ଦ ପାଢ଼ୀ ଦିଲ୍ଲୀ ଗସ୍ତ ସମୟରେ କେନ୍ଦ୍ର ସଂସ୍କୃତି ମନ୍ତ୍ରଣାଳୟର ବରିଷ୍ଠ ଅଧିକାରୀମାନଙ୍କ ସହିତ ଏନେଇ ଆଲୋଚନା କରିଛନ୍ତି। ଏହି ଆଲୋଚନା ସକରାତ୍ମକ ରହିଥିବାବେଳେ, ଖୁବ୍ଶୀଘ୍ର ୟୁନେସ୍କୋ କାର୍ଯ୍ୟାଳୟରେ ଆବଶ୍ୟକୀୟ ନାମାଙ୍କନପତ୍ର ଦାଖଲ ହେବ ବୋଲି ସୂଚନା ମିଳିଛି।
ଏହି ପଦକ୍ଷେପ ସଫଳ ହେଲେ, ବିଶ୍ବର ଅନେକ ସ୍ଥାନରେ ହେଉଥିବା ଅନ୍ୟ ରଥଯାତ୍ରାକୁ ବନ୍ଦ କରିବା ସମ୍ଭାବନା ଥାଏ। ଯଦି ୟୁନେସ୍କୋ ଏହି ଯାତ୍ରାକୁ "ଇନଟାଞ୍ଜିବଲ କଲଚରାଲ ହେରିଟେଜ" ମାନ୍ୟତା ଦିଏ, ତେବେ ପୁରୀ ରଥଯାତ୍ରାର ସ୍ଵତନ୍ତ୍ର ଐତିହ୍ୟ ଆଉ ଅଧିକ ଗୁରୁତ୍ୱ ପାଇବ।ଏହି ପ୍ରୟାସ ଉପରେ ମହାପ୍ରଭୁଙ୍କ ସେବାୟତମାନେ ଏବଂ ଶ୍ରଦ୍ଧାଳୁମାନେ ଉଲ୍ଲାସ ପ୍ରକାଶ କରିଛନ୍ତି। ଏହା ନିଶ୍ଚିତ ଭାବେ ପୁରୀ ରଥଯାତ୍ରାକୁ ବିଶ୍ବସ୍ତରରେ ଏକ ଅନନ୍ୟ ମହତ୍ତ୍ଵ ଦେବାରେ ଉପଯୋଗୀ ହେବ।
