ଏହି ମୂଲ୍ୟାୟନ ପ୍ରକ୍ରିୟା ପୂର୍ବାହ୍ନ ୧୦ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ଚାଲିବ। ପରୀକ୍ଷକମାନେ ମୂଲ୍ୟାୟନ କେନ୍ଦ୍ରର କ୍ୟାମ୍ପସ୍ ବାହାରକୁ ଯାଇପାରିବେ ନାହିଁ, ଏବଂ ମୋବାଇଲ ବ୍ୟବହାର ମଧ୍ୟ ପ୍ରତିବନ୍ଧିତ। ଯଦି ନିୟମ ଉଲ୍ଲଂଘନ ହେଉଥିବା ଜଣାପଡିଲେ, ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ଖାତାଦେଖା ବ୍ୟବସ୍ଥାକୁ ଅନୁଶାସିତ ରଖିବା ପାଇଁ ପ୍ରତ୍ୟେକ କେନ୍ଦ୍ରରେ ୟୁନିଟ୍ ଗଠନ କରାଯାଇଛି। ପ୍ରତ୍ୟେକ ୟୁନିଟ୍ରେ ମୁଖ୍ୟ ପରୀକ୍ଷକ, ଉପପରୀକ୍ଷକ, ସ୍କ୍ରୁଟିନାଇଜର, ଏବଂ ପ୍ରଧାନ ଶିକ୍ଷକ ସୁପରଭାଇଜର ଭାବରେ ରହିବେ। ଏଥିପାଇଁ ଜଣେ କ୍ୟାମ୍ପ ଅଫିସର ମଧ୍ୟ ନିୟୁକ୍ତ କରାଯାଇଛନ୍ତି।
ଏଥିବ୍ୟତୀତ, ମୂଲ୍ୟାୟନ ଶେଷ ହେବାପରେ ପ୍ରତିଦିନ ଅନ୍ଲାଇନ୍ ନମ୍ବର ଏଣ୍ଟ୍ରି କରାଯିବ। ଏହି ପ୍ରକ୍ରିୟା ସମ୍ପାଦନ କରିବା ପାଇଁ ୩୦୦ରୁ ଅଧିକ ଡାଟା ଏଣ୍ଟ୍ରି ଅପରେଟର ନିୟୁକ୍ତ କରାଯାଇଛନ୍ତି। ନମ୍ବର ଏଣ୍ଟ୍ରି ସମୟରେ ତ୍ରୁଟି ଏଡାଇବାକୁ ଏହା ଅତ୍ୟନ୍ତ ଯତ୍ନପୂର୍ଣ୍ଣ ଭାବେ କରାଯିବ।
ବୋର୍ଡ ପକ୍ଷରୁ ୧୨-୧୫ ଦିନ ମଧ୍ୟରେ ମୂଲ୍ୟାୟନ ପ୍ରକ୍ରିୟା ସମ୍ପୂର୍ଣ୍ଣ କରିବା ଲକ୍ଷ୍ୟ ରଖାଯାଇଛି। ମାଟ୍ରିକ୍ ପରୀକ୍ଷା ଖାତାଦେଖା ପାଇଁ ୪୭ଟି, ରାଜ୍ୟ ମୁକ୍ତ ବିଦ୍ୟାଳୟ ପାଇଁ ୨ଟି ଏବଂ ମଧ୍ୟମା ପାଇଁ ୨ଟି ମୂଲ୍ୟାୟନ କେନ୍ଦ୍ର ନିର୍ଦ୍ଧାରିତ ହୋଇଛି।
ଗ୍ରୀଷ୍ମ ତାପମାତ୍ରାକୁ ଦୃଷ୍ଟିରେ ରଖି, ମୂଲ୍ୟାୟନ କର୍ମଚାରୀଙ୍କ ପାଇଁ ଆବଶ୍ୟକ ସୁବିଧା ଉପଲବ୍ଧ କରାଯାଇଛି। ପ୍ରତ୍ୟେକ କେନ୍ଦ୍ରରେ ୧୦ରୁ ଅଧିକ ପରୀକ୍ଷକ ସଂରକ୍ଷଣ ଭାବରେ ରଖାଯାଇଛନ୍ତି, ଆବଶ୍ୟକତା ଅନୁଯାୟୀ ଏହା ବୃଦ୍ଧି କରାଯାଇପାରିବ।
ବୋର୍ଡ ପକ୍ଷରୁ ସଂପୂର୍ଣ୍ଣ ଖାତାଦେଖା ପ୍ରକ୍ରିୟା ସଂଘଟିତ ଏବଂ ଅନୁଶାସିତ ଭାବେ ସମ୍ପାଦନ କରିବା ପାଇଁ କଡ଼ା ନିୟନ୍ତ୍ରଣ ବ୍ୟବସ୍ଥା କରାଯାଇଛି।
