ଓ୍ବାଶିଂଟନ, ୨ /୩ : ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆଉ ଏକ ନୂଆ ଏବଂ ବିବାଦସ୍ପଦ ନିଷ୍ପତ୍ତି ନେଇଛନ୍ତି। ସେ ଇଂରାଜୀକୁ ଆମେରିକାର ସରକାରୀ ଭାଷା ଭାବରେ ଘୋଷଣା କରିଛନ୍ତି। ଏହି ପଦକ୍ଷେପ ଦେଶର ଭାଷାଗତ ବିବିଧତା ମଧ୍ୟରେ ଏକତା ସୃଷ୍ଟି କରିବା ଲକ୍ଷ୍ୟରେ ଗ୍ରହଣ କରାଯାଇଛି ବୋଲି ହ୍ୱାଇଟ୍ ହାଉସ ଘୋଷଣା କରିଛି।ହ୍ୱାଇଟ୍ ହାଉସର ଏକ କାର୍ଯ୍ୟନିର୍ବାହୀ ଆଦେଶ ଅନୁଯାୟୀ, ସଂଘୀୟ ଏଜେନ୍ସିଗୁଡ଼ିକ ଏବେ ଇଂରାଜୀ ବ୍ୟତୀତ ଅନ୍ୟ ଭାଷାରେ ସହାୟତା ସେବା ପ୍ରଦାନ କରିବାକୁ ବାଛିପାରିବ। ଏହା ମଧ୍ୟ ୧୯୯୦ ଦଶକରେ ତତ୍କାଳୀନ ରାଷ୍ଟ୍ରପତି ବିଲ କ୍ଲିଣ୍ଟନଙ୍କ ଦ୍ୱାରା ଜାରି ହୋଇଥିବା ଏକ ନୀତିକୁ ରଦ୍ଦ କରିଛି, ଯେଉଁଥିରେ ଅଣ-ଇଂରାଜୀ ଭାଷାଭାଷୀମାନଙ୍କ ପାଇଁ ସହାୟତା ଯୋଗାଇବାକୁ କୁହାଯାଇଥିଲା।ଆମେରିକାରେ ୩୫୦ ରୁ ଅଧିକ ଭାଷା କୁହାଯାଏ। ସରକାରୀ ତଥ୍ୟ ଅନୁଯାୟୀ, ପ୍ରାୟ ୬୮ ନିୟୁତ ଲୋକ ଘରେ ଇଂରାଜୀ ବ୍ୟତୀତ ଅନ୍ୟ ଭାଷା ବ୍ୟବହାର କରନ୍ତି। ଏଥିରେ ୪୦ ନିୟୁତରୁ ଅଧିକ ସ୍ପାନିସ୍ ଭାଷୀ ଅଛନ୍ତି। ତେବେ, ଟ୍ରମ୍ପଙ୍କ ନୂତନ ନିଷ୍ପତ୍ତି ଦେଶର ଏକତା ବଢ଼ାଇବାରେ କେତେ ଟିକେ ବୈଶ୍ୱିକ ପ୍ରଭାବ ପକାଇବ ତାହା ନେଇ ଅନେକ ଚର୍ଚ୍ଚା ଚଳିଛି।ଏହି ନୂଆ ନିଷ୍ପତ୍ତି ଉପରେ ବିରୋଧ ଦେଖାଯାଉଛି। ଅନେକ ଅଧିକାରୀ ଏହାକୁ କୋର୍ଟରେ ଚ୍ୟାଲେଞ୍ଜ କରିପାରନ୍ତି। ଏହି ନୂଆ ନିଷ୍ପତ୍ତି ଟ୍ରମ୍ପଙ୍କ ଦକ୍ଷିଣପନ୍ଥୀ ନୀତିର ଅଂଶ ଭାବେ ଦେଖାଯାଉଛି ଏବଂ ଏହା ଦେଶର ପ୍ରବାସୀମାନଙ୍କ ପ୍ରତି କୌଣସି ନୂଆ ସଂକେତ ଦେଉଛି କି ନାହିଁ, ସେଥିପାଇଁ ଅନେକ ମତ ମତାନ୍ତର ରହିଛି।
