ପ୍ରଦୀପ ପୁରୋହିତ କହିଛନ୍ତି ଯେ, ନବ ଦାସଙ୍କ ଝିଅ ଦୀପାଳି ଦାସ ସିବିଆଇ ତଦନ୍ତ ପାଇଁ ଦାବି କରିଥିଲେ, କିନ୍ତୁ ରାଜ୍ୟ ସରକାର ଏହାକୁ ଅଗ୍ରାହ୍ଯ କରିଛି। ଏହି ଅଭିଯୋଗ ପରେ ରାଜ୍ୟର ରାଜନୈତିକ ପ୍ରସଙ୍ଗ ଅନ୍ୟ ଦିଗକୁ ମୁହଁ ଫେରିଛି।ଭାରତୀୟ ଜନତା ପାର୍ଟି ଏହି ଘଟଣାକୁ ଏକ ରାଜନୈତିକ ଷଡ଼ଯନ୍ତ୍ର ଭାବେ ବ୍ୟାଖ୍ୟା କରୁଛି। ଏମପି ପ୍ରଦୀପ ପୁରୋହିତ ମଧ୍ୟ ଏହା ନେଇ ଚ଼ମକପୂର୍ଣ୍ଣ ଅଭିଯୋଗ ଖଣ୍ଡିଛନ୍ତି। ସେ କହିଛନ୍ତି, "ଜଣେ IAS ଅଧିକାରୀ ଏବଂ ଜଣେ ବିଜେଡିର ବଡ଼ ନେତା ମଧ୍ୟରେ ମୁଖ୍ୟମନ୍ତ୍ରୀ ହେବା ପାଇଁ ରହସ୍ୟମୟ ଯୋଜନା ହୋଇଥିଲା। ଏହି ଘଟଣା ସେହି ଷଡ଼ଯନ୍ତ୍ରର ଏକ ଅଂଶ ହୋଇପାରେ।" ତେଣୁ ଏହାର ସଠିକ୍ ତଦନ୍ତ ହେବା ଆବଶ୍ୟକ।
ଏହି ଘଟଣାର ତଦନ୍ତ ନେଇ ହାଇକୋର୍ଟରେ ଆବେଦନ ରୁଜୁ ହୋଇଥିଲା। ହାଇକୋର୍ଟର ଖଣ୍ଡପୀଠ ନ୍ୟାୟାଧୀଶ ଅରିନ୍ଦମ ସିହ୍ନା ଏବଂ ନ୍ୟାୟାଧୀଶ ମୃଗାଙ୍କ ଶେଖର ସାହୁ ରାଜ୍ୟ ସରକାରକୁ ଘଟଣାର ତଦନ୍ତ ସ୍ଥିତି ବିଷୟରେ ଏକ ଲିଖିତ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ଏହି ରିପୋର୍ଟ ଦାଖଲ ହେଲେ ଘଟଣା ଅନ୍ୟ ଦିଗକୁ ମୁହଁ ଫେରିପାରେ।
ସିବିଆଇ ତଦନ୍ତ ହେଲେ କେବଳ ନବ ଦାସ ହତ୍ୟା ଘଟଣା ନୁହେଁ, ବିଜେଡି ସମ୍ପୃକ୍ତ ଅନ୍ୟାନ୍ୟ ବଡ଼ ଅଭିଯୋଗ ମଧ୍ୟ ପ୍ରକାଶରେ ଆସିପାରେ। ଆବେଦନକାରୀ ପିନାକପାଣି ମହାନ୍ତି ଚିଟ୍ଫଣ୍ଡ ଘୁଷଖୋରି ଓ ଅନ୍ୟାନ୍ୟ ଅଭିଯୋଗ ନେଇ ସିବିଆଇ ତଦନ୍ତ କରିବାକୁ ଦାବି କରିଛନ୍ତି
ସରକାର ଏବଂ ପ୍ରତିପକ୍ଷ ମଧ୍ୟରେ ଏହି ମାମଲା ନେଇ ତିବ୍ର ଦ୍ୱନ୍ଦ୍ୱ ଚାଲିଥିବାବେଳେ, ରାଜ୍ୟବାସୀ ଏହି ହତ୍ୟାର ଅସଲ ପ୍ରେରଣା ଏବଂ ଦୋଷୀମାନେ କେହି, ସେଥି ନେଇ ସଠିକ୍ ତଥ୍ୟ ଜାଣିବା ପାଇଁ ଅପେକ୍ଷା କରୁଛନ୍ତି। ସିବିଆଇ ତଦନ୍ତ ଅନୁମୋଦିତ ହେଲେ ଏହି ଘଟଣାର ରହସ୍ୟ ଉନ୍ମୋଚନ ହେବ କି? ଏହି ପ୍ରଶ୍ନ ଏବେ ସମସ୍ତଙ୍କ ମନରେ ଅଛି।
