ଚନ୍ଦ୍ରଶେଖରପୁର ମୌଜା ପ୍ଲଟ୍ ନଂ. ୪୫୭, ଖାତା ନଂ. ୬୧୯ (ଗୋଚର ଜମି) ଉପରେ ଏହି CNG ଏବଂ PNG ଷ୍ଟେଶନ ନିର୍ମାଣ ଚାଲିଥିଲା। ଏହି ଅଞ୍ଚଳ ଏକ ଆବାସିକ କଲୋନି ହୋଇଥିବାରୁ ଭବିଷ୍ୟତରେ ଏଠି ଯେକୌଣସି ଅଘଟଣ ଘଟିପାରେ। ଗ୍ୟାସ ଷ୍ଟେଶନ ଦୁର୍ଘଟଣାରେ ଏଠି ଥିବା ଅନେକ ପରିବାର ପ୍ରଭାବିତ ହେବେ। ଏହି ଅଞ୍ଚଳର ଶୁକଦେବ ମହାନ୍ତି ଏନେଇ National Green Tribunal (NGT) ର ଇଷ୍ଟର୍ନ ବେଞ୍ଚ, କୋଲକାତା ରେ ମାମଲା କରିଥିଲେ। ଏନ୍ଜିଟି **ଜିଏ ବିଭାଗ, BMC, ରାଜ୍ୟ ଏବଂ କେନ୍ଦ୍ର ପ୍ରଦୂଷଣ ନିୟନ୍ତ୍ରଣ ବୋର୍ଡ, ପେଟ୍ରୋଲିୟମ ଏବଂ ବିସ୍ଫୋରକ ସୁରକ୍ଷା ଅନୁଷ୍ଠାନ (PESO), ପରିବେଶ ମନ୍ତ୍ରଣାଳୟ ଓ ଅନ୍ୟାନ୍ୟ ସଂସ୍ଥାଙ୍କୁ "କାରଣ ଦର୍ଶାଅ" ନୋଟିସ ଜାରି କରି ଏହି ଷ୍ଟେଶନ ନିର୍ମାଣ ସଂପର୍କରେ ୪ ସପ୍ତାହ ମଧ୍ୟରେ ଉତ୍ତର ଦେବାକୁ ନିର୍ଦ୍ଦେଶ କରିଥିଲା।
ଏହି ଅଞ୍ଚଳର ଅନେକ ନିବାସୀ ଏବଂ ଏକ ଅଞ୍ଚଳୀୟ NGO ମଧ୍ୟ ଏହି ଷ୍ଟେଶନ ନିର୍ମାଣକୁ ଏତିରୋଧ କରିଥିଲେ। ଏହାର ଆଇନିକ ଦିଗ ଯାଞ୍ଚ କରିବାକୁ ଜିଲ୍ଲାପାଳ ଭୁବନେଶ୍ୱର ଡିସିପିଙ୍କୁ ଚିଠି ଲେଖିଥିଲେ। ଏପରେ ଖୋର୍ଦ୍ଧା ଜିଲ୍ଲାପାଳ ପକ୍ଷରୁ GAIL କୁ "କାରଣ ଦର୍ଶାଅ" ନୋଟିସ ଦେଇ ଷ୍ଟେଶନ ନିର୍ମାଣ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି। ମେ ୩୦ ତାରିଖରେ ଏହି ମାମଲା ପୁନଃ ଏନ୍ଜିଟିରେ ଶୁଣାଣି ହେବ। ଏବେ ଦେଖିବା ଯାଉଛି, ଏହି ଷ୍ଟେଶନ ଅବଶ୍ୟ ହେବ କି ହେବନା?
