RBI ସ୍ପଷ୍ଟ କରିଛି ଯେ ପୂରୁଣା ୧୦୦ ଏବଂ ୨୦୦ ଟଙ୍କିଆ ନୋଟ ଚଳନଶୀଳ ରହିବ, ଏବଂ ସେଗୁଡ଼ିକୁ ବଦଳାଯିବ ନାହିଁ। ପ୍ରତ୍ୟେକ ନୂତନ ରିଜର୍ଭ ବ୍ୟାଙ୍କ ଗଭର୍ନର ନିଯୁକ୍ତି ପରେ ଏହି ପ୍ରକ୍ରିୟା ସାଧାରଣ ଭାବେ ହୋଇଥାଏ, ଯେଉଁଥିରେ ସେମାନଙ୍କ ସ୍ବାକ୍ଷର ସହ ନୂତନ ନୋଟ ଜାରି ହୁଏ। ଏହି ନୂତନ ନୋଟ ଖୁବ ଶୀଘ୍ର ବ୍ୟାଙ୍କ ଏବଂ ଏଟିଏମରେ ଉପଲବ୍ଧ ହେବ।
2000 ଟଙ୍କା ବିମୁଦ୍ରୀକରଣ ପରେ ମଧ୍ୟ ବଢ଼ିଲା ନଗଦ ପ୍ରବାହ
ରିପୋର୍ଟ ଅନୁଯାୟୀ, ୨୦୨୩ ମସିହାରେ 2000 ଟଙ୍କା ନୋଟ ବିମୁଦ୍ରୀକରଣ ହେବା ସତ୍ତ୍ୱେ ଦେଶରେ ନଗଦ ପ୍ରଚଳନ ବୃଦ୍ଧି ପାଇଛି। RBI ର ତଥ୍ୟ ଅନୁଯାୟୀ,
2017 ମସିହାରେ ନଗଦ ପ୍ରଚଳନ 13.35 ଲକ୍ଷ କୋଟି ଥିଲା,
2024 ରେ ଏହା 35.15 ଲକ୍ଷ କୋଟି ଟଙ୍କାକୁ ପହଞ୍ଚିଛି।
ଏହା ସହ ଡିଜିଟାଲ ପେମେଣ୍ଟ ମଧ୍ୟ ଦ୍ରୁତ ଗତିରେ ବୃଦ୍ଧି ପାଇଛି।
ମାର୍ଚ୍ଚ 2020 ରେ UPI କାରବାର 2.06 ଲକ୍ଷ କୋଟି ଥିଲା।
ଫେବୃଆରୀ 2024 ସୁଦ୍ଧା ଏହା 18.07 ଲକ୍ଷ କୋଟିକୁ ଉତ୍ତୀର୍ଣ୍ଣ ହୋଇଛି।
2024 ସମ୍ପୂର୍ଣ୍ଣ ବର୍ଷରେ ଡିଜିଟାଲ କାରବାର 172 ବିଲିୟନ ହୋଇଛି।
ନଗଦ ବ୍ୟବହାର କ’ଣ କହୁଛି?
ରିପୋର୍ଟ ଅନୁଯାୟୀ, ଦିଲ୍ଲୀ, ତାମିଲନାଡୁ, ଉତ୍ତର ପ୍ରଦେଶ, ପଶ୍ଚିମବଙ୍ଗ ଏବଂ କର୍ଣ୍ଣାଟକରେ ସର୍ବାଧିକ ATM ଉଠାଣ ରେକର୍ଡ ହୋଇଛି।
ପର୍ବପର୍ବାଣୀ ଏବଂ ନିର୍ବାଚନ ସମୟରେ ନଗଦ ଚାହିଦା ବଢ଼ିଯାଏ।ଗ୍ରାମାଞ୍ଚଳରେ ଡିଜିଟାଲ ପେମେଣ୍ଟର ଅଭାବ ଥିବାରୁ ନଗଦ ଆଧାରିତ ଅର୍ଥନୀତି ଅଧିକ ଚଳିଛି।
RBI ର ଏହି ଘୋଷଣା ନୂତନ ନୋଟ ଜାରି ଥିବା ସତ୍ତ୍ୱେ ପ୍ରଚଳିତ ନୋଟ ବୈଧ ରହିବାକୁ ନେଇ ସ୍ପଷ୍ଟତା ଦେଇଛି। ଏହା ଦେଖିବା ଉଚିତ ଯେ ଭବିଷ୍ୟତରେ ନଗଦ ବ୍ୟବହାର ଏବଂ ଡିଜିଟାଲ ପେମେଣ୍ଟ ମଧ୍ୟରେ କିପରି ସମତୁଲନ ରହିବ।
