ଦଣ୍ଡଯାତ୍ରା ମଧ୍ୟରେ ଅଗ୍ନିକାଣ୍ଡ, ଶର୍ଟ ସର୍କିଟ ରୁ ଜଳିଗଲା ସବୁକିଛି

ଭଞ୍ଜନଗର, ୧୦/୪ : ମହାବିପତ୍ତି ନିମିତ୍ତ ଅନୁଭବ କଲେ ଜଡାହାଟୁଣି ଗ୍ରାମର ବିଜୟ ଚନ୍ଦ୍ର ପାଢ଼ୀଙ୍କ ପରିବାର। ଗୁରୁବାର ସନ୍ଧ୍ୟାରେ ଭଞ୍ଜନଗର ଥାନା ଅନ୍ତର୍ଗତ ତୁରୁମୁ ପଞ୍ଚାୟତରେ ଘଟିଥିବା ଏହି ଅଗ୍ନିକାଣ୍ଡ ଏକ ସାଧାରଣ ଘଟଣା ନୁହେଁ—ଏହା ଏକ ପରିବାର ଜୀବନ ଆଧାରକୁ ଉଜାଡ଼ିଦେଇଛି। ସ୍ଥାନୀୟ ତଥ୍ୟ ଅନୁସାରେ, ଦଣ୍ଡଯାତ୍ରାର ଆଳତୀ ଦେଖିବାକୁ ଘର ଲୋକମାନେ ବାହାରକୁ ଥିବା ସମୟରେ ଘଟିଥିଲା ଏହି ଅଭାଗ୍ୟଜନକ ଘଟଣା। ବିଜୟଙ୍କ ଘରରୁ ଧୂଆଁ ବାହାରୁଥିବା ଦେଖି ଏକାଧିକ ଗ୍ରାମବାସୀ ତାଙ୍କୁ ସୂଚନା ଦେଇଥିଲେ। ଘଟଣାସ୍ଥଳକୁ ଫେରି ବିଜୟ ଦେଖିଥିଲେ, ନିଆଁ ସବୁ କିଛି ଧ୍ୱଂସ କରିଛି – ଆସବାପତ୍ର, ସୁନା ଅଳଙ୍କାର, ଟଙ୍କା ଓ ମୂଲ୍ୟବାନ କାଗଜପତ୍ର। ଘରକୁ ରକ୍ଷା କରିବା ଚେଷ୍ଟା କରୁଥିବା ବେଳେ ବିଜୟଙ୍କ ପୁଅ ଚିତ୍ତରଞ୍ଜନ ଆହତ ହୋଇଥିବା ବିସୟ ମଧ୍ୟ ଚିନ୍ତାଜନକ। ଖବର ପାଇ ଭଞ୍ଜନଗର ଅଗ୍ନିଶମ ବାହିନୀ ସମୟରେ ପହଞ୍ଚି ନିଆଁକୁ ଆୟତ୍ତ କରିଥିଲେ, କିନ୍ତୁ ସେଯାଁତି ନଷ୍ଟ ହୋଇଥିବାର କ୍ଷତି ପୂରଣ ଅସମ୍ଭବ। ସଟସର୍କିଟ ଦ୍ୱାରା ନିଆଁ ଲାଗିଥିବା ଆଶଙ୍କା କରାଯାଉଥିବା ବେଳେ, ଏହି ଘଟଣା ଏକ ପରିବାର ପାଇଁ ଅତ୍ୟନ୍ତ କ୍ଷତିକାରକ ଓ ଦୁଃଖଦ ଅନୁଭବ ଅଟୁଟ ଚିହ୍ନ ରଖିଛି।