୧୯୪୮ ମସିହା ଏପ୍ରିଲ ୧୩ରେ ତତ୍କାଳୀନ ପ୍ରଧାନମନ୍ତ୍ରୀ ଜବାହାରଲାଲ୍ ନେହେରୁ ଭୁବନେଶ୍ୱରକୁ ରାଜ୍ୟ ରାଜଧାନୀ ବନେଇବା ପାଇଁ ଶିଳାନ୍ୟାସ କରିଥିଲେ। ସେଇ ଦିନରୁ ଆଜି ପର୍ଯ୍ୟନ୍ତ, ଏହି ସହର ଗତିଶୀଳ ଉନ୍ନତିର ଏକ ଉଦାହରଣ ହୋଇଉଠିଛି। ଗତ ୭୭ ବର୍ଷରେ ଭୁବନେଶ୍ୱର ପାଇଁ ସମୟ ଥିଲା ବୃଦ୍ଧି, ବିକାଶ ଓ ରୂପାନ୍ତରଣର। ଏକ ସମୟ ଥିଲା ଯେଉଁଠାରେ ଏହା ଥିଲା ସ୍ଥିର ଏବଂ ଶାନ୍ତ, ଆଜି ଏହି ସହର ପାଉଛି ମେଟ୍ରୋ ଯୋଗାଯୋଗ, ଏଲିଭେଟେଡ୍ କରିଡୋର, ଇନର ଓ ଆଉଟର ରିଙ୍ଗରୋଡ୍, ମଲ୍ଟି-ଲେଭେଲ୍ ଫ୍ଲାଏଓଭର, ଓ ନିଉ ସିଟି ପରିକଳ୍ପନା ଭିତରେ ଏକ ଆଧୁନିକ ସିଟି ରୂପେ ନିଜକୁ ପୁନଃ ସଂଜ୍ଞାପିତ କରୁଛି।ଇନ୍ଫୋସିଟି-୩ ଯୋଜନା, ଏହି ଆଗାମୀ ଦିନରେ ଭୁବନେଶ୍ୱରକୁ ଦେଶର ଆଇଟି ର ହୃଦୟ କେନ୍ଦ୍ର ଭାବେ ଗଢ଼ି ତୋଳିବ।ଭୁବନେଶ୍ୱରର ଏହି ଯାତ୍ରା କେବଳ ଇମାରତ ବଦଳା ନୁହେଁ, ଏହା ହେଉଛି ଏକ ମନୋଭାବ, ଏକ ଦୃଷ୍ଟିକୋଣ ଓ ଏକ ଭବିଷ୍ୟତ ନିର୍ମାଣର କଥା। ଏହି ଦିନଟି ମାତ୍ର ଉତ୍ସବ ନୁହେଁ, ଏହା ହେଉଛି ଗର୍ବ ଓ ଆଶା ର ଏକ ପ୍ରତିକ।
