ମହୁଲ ଗୋଟାଇବାକୁ ଯାଇଥିଲେ ମହିଳା, ହାତୀ ଆକ୍ରମଣ ରେ ଗଲା ଜୀବନ

ବରଗଡ଼, ୧୬/୪ :  – ଜନଜୀବନରେ ପ୍ରବେଶ କରୁଥିବା ବନ୍ୟଜନ୍ତୁ ଆତଙ୍କ ଆଉଥରେ ଦୃଶ୍ୟମାନ ହେଲା ବରଗଡ଼ ଜିଲା ପଦ୍ମପୁର ଉପଖଣ୍ଡର ଟୁର୍ଚା ଗ୍ରାମରେ। ଆଜି ସକାଳ ବେଳେ ମହୁଲ ଗୋଟାଇବାକୁ ଯାଇଥିବା ସମୟରେ ଜଣେ ମହିଳା ହାତୀ ଆକ୍ରମଣରେ ଜୀବନ ହରାଇଥିବା ବେଳେ, ଅନ୍ୟ ଜଣେ ଗୁରୁତର ଆହତ ହୋଇଛନ୍ତି।ମୃତ ମହିଳାଙ୍କ ନାମ କେତକୀ ସାହୁ ବୋଲି ପରିଚୟ ମିଳିଛି। ଅନ୍ୟପଟେ, ଗୁରୁତର ଆହତ ହୋଇଥିବା କୁମୁଦିନୀ ସାହୁଙ୍କୁ ତୁରନ୍ତ ସ୍ଥାନୀୟ ଡାକ୍ତରଖାନାକୁ ନିଆଯାଇଛି, ଯେଉଁଠାରେ ତାଙ୍କ ଚିକିତ୍ସା ଚାଲିଛି।ସ୍ଥାନୀୟ ବାସିନ୍ଦାଙ୍କ କହିବାଅନୁସାରେ, କିଛି ଦିନ ହେଉଛି ଯେଉଁଠାରେ ଗାଁ ଆସପାସରେ ବନ୍ୟ ହାତୀମାନେ ଚଳାଚଳ କରୁଛନ୍ତି। ଅନେକ ସମୟରେ ଏହାକୁ ନେଇ ଅନ୍ଧାଧୁନ୍ ଆତଙ୍କ ସୃଷ୍ଟି ହୁଏ। ତଥାପି, ବନ ବିଭାଗ ଓ ପ୍ରଶାସନ ପକ୍ଷରୁ ଯଥାର୍ଥ ପଦକ୍ଷେପ ଗ୍ରହଣ ହେଉନାହିଁ ବୋଲି ଅଭିଯୋଗ ମିଳିଛି। ବନ୍ୟଜନ୍ତୁ ଓ ମଣିଷ ମଧ୍ୟରେ ବଢ଼ୁଥିବା ଘଷାଘଷି ଏବେ ଏକ ଗମ୍ଭୀର ଆନ୍ତରିକ ସମସ୍ୟାର ରୂପ ନେଇଛି। ନିଜ ଜୀବିକା ନିମିତ୍ତେ ଜଙ୍ଗଲ ଉପରେ ନିର୍ଭର ଥିବା ଗାଁ ବାସିନ୍ଦା ନିତି ହାତୀ ଆକ୍ରମଣର ଶିକାର ହେଉଛନ୍ତି। ବନ ବିଭାଗ ପକ୍ଷରୁ ଏହାକୁ ଗମ୍ଭୀର ଭାବେ ଗ୍ରହଣ କରି ଦୃଢ଼ ରଣନୀତି ଗଠନ କରାଯିବା ଆବଶ୍ୟକ।