ମଙ୍ଗଳବାର ଅପରାହ୍ନ, ପାକିସ୍ତାନୀ ଆଧାରିତ ଆତଙ୍କବାଦୀ ଗୁଟିକ ଲଶ୍କର-ଏ-ତୋଇବା ପ୍ରାୟ ୫୦ ରାଉଣ୍ଡ ଗୁଳି ଚଳାଇ ଜଣସାଧାରଣ ଉପରେ ଅତର୍କିତ ଆକ୍ରମଣ କରିଥିଲେ। ଏଥିପରେ ଅନେକ ପର୍ଯ୍ୟଟକ ଆହତ ହୋଇଥିବା ବେଳେ କିଛିଙ୍କ ଅବସ୍ଥା ଗମ୍ଭୀର ଥିବାରୁ ମୃତ୍ୟୁ ସଂଖ୍ୟା ବଢ଼ିବା ଆଶଙ୍କା ଜଣାଯାଉଛି। ଉଦ୍ଧାର କାର୍ଯ୍ୟ ଅଭିଯାନରେ ସେନା ହେଲିକପ୍ଟର ନିଯୁକ୍ତ ହୋଇଛି।
ଏହି ଆତଙ୍କବାଦୀ ଆକ୍ରମଣ ପରେ ରାଷ୍ଟ୍ରୀୟ ସୁରକ୍ଷା ଏଜେନ୍ସିଗୁଡ଼ିକ କମର କସିଦେଇଛନ୍ତି। ବୁଧବାର ଉରି ଅଞ୍ଚଳରେ ଅନୁପ୍ରବେଶ କରିବା ଚେଷ୍ଟା କରୁଥିବା ଦୁଇ ଆତଙ୍କବାଦୀଙ୍କୁ ସେନା ନିପାତ କରି ଅଞ୍ଚଳକୁ ରକ୍ଷା କରିଛି। ସେମାନଙ୍କଠାରୁ AK-47 ରାଇଫଲ ଓ ବିସ୍ଫୋରକ IED ମଧ୍ୟ ଜବତ ହୋଇଛି।
ଘଟଣା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାଉଦି ଭ୍ରମଣ ବିଚ୍ଛିନ୍ନ କରି ଦେଶକୁ ଫେରି ଆସି ଉଚ୍ଚସ୍ତରୀୟ ବୈଠକ କରିଛନ୍ତି। ଏଥିରେ NSA ଅଜିତ ଡୋଭାଲ ଉପସ୍ଥିତ ଥିଲେ। ତାଙ୍କ ନେତୃତ୍ୱରେ ଏହି ଘଟଣା ଉପରେ ଗଭୀର ଆଲୋଚନା ହୋଇଥିଲା। ଏନଆଇଏ ଟିମ ପହଲଗାମ ପହଞ୍ଚି ତଦନ୍ତ ଆରମ୍ଭ କରିଛି।
